listen to RSG Nuus en Aktualiteit
RSG Nuus en Aktualiteit
Jongste Krotoa-uitbeelding maak seer.
So sê die voormalige joernalis en kutuur-aktivis Romantha Botha. 'n Herrie het losgebars oor die jongste uitbeelding van een van Suid-Afrika se mees veelbesproke vroue, die Khoi-Ikoon, Krotoa. Terwyl daar nooit 'n werklike beeld van die Kaap Kolonie tolk en onderhandelaar vasgelê is nie, is daar wyd gekap na die skepping van die kunstenaar Lizelle Kruger, wie se uitbeelding van Krotoa met ligte vel toon, westerse kenmerke en selfs die voorkoms van grimering, as onsensitief beskryf is. Die skildery word tans by die Kasteel die Goeie Hoop in Kaapstad ten toon gestel. Ons het met die twee op Monitor gepraat. Wat is jou mening oor die uitbeelding?
Al meer mense word met dimensie gediagnoseer
Jaarliks word daar wêreldwyd 10 miljoen mense met een of ander vorm van demensie gediagnoseer, wat alzheimer se siekte insluit. September is Alzheimer bewustheidsmaand, en die Global Burden of Disease verslag van die National Library of Medicyne in Amerika, toon dat teen 2050 daar meer as 680 duisend-gevalle van demensie aangemeld sal word. Dit is 'n styging van 181 persent van 2019 tot 2050. Statistieke Suid-Afrika en die departement van gesondheid hou egter nie behoorlike statistiek oor dié siekte nie, en dus kan die data nog bleker lyk. Therisia Swart en Natasja de Kock is beide arbeidsterapeute in Pretoria, wat spesialiseer in die behandeling van die Demensie. Beide is dit eens dat as die toestand vroegtydig gediagnoseer word, dit behoorlik bestuur kan word. Swart waarsku dat nie alles toegeskryf kan word aan oud word nie...
Hoe Namibië sy eie Bek-en-Klouseer gevalle bestry.
Bek-en-Klouseer is aangemeld op 'n plaas buite Karasburg, in die suide van Namibië. Dié land se departement van Landbou het ‘n aantal beperkings in sekere gebiede op die vervoer van gesplete hoefdiere geplaas. Die president van die Namibiese Landbou Unie, Thinus Pretorius, het aan Monitor verduidelik watter ingrypings ingestel is.
Miljarde verlaat Suid Afrika en die regering weet niks
Daar word beraam dat meer as 6 miljard rand onwettig uit Suid Afrika vloei as gevolg van swak finansiële regulasies en beheermaatreëls oor veral sake-ondernemings in die sogenaamde "Township Ekonomie." Die verslag genaamd The Nature of Stealthy Remittance in South Africa skat dat 6,3 miljard rand, wat deur spaza-winkels in die besit van buitelanders gegenereer word, die land verlaat. Om beter begrip te kry oor die situasie en watse gevolge dit dalk inhou vir Suid Afrika het ons op Monitor met Hettiene Von Abo Moolman gepraat. Sy is 'n direkteur by die Instituut vir Klein sake-ondernemings.
Spanning neem toe tussen SA en die VSA - VN Algemene Vergadering
Die minister van internasionale betrekkinge en samewerking, Ronald Lamola, het gevra dat 'n globale stelsel verander moet word wat tans Afrika en ontwikkelende lande uitsluit en faal. Lamola het dié stelling gemaak tydens die Verenigde Nasies se Algemene Vergadering -- waar hy ook gesê het die multi-lateralisme van die Suid-Afrikaanse demokrasie het gehelp in die stryd teen apartheid; en dat dit nou ingespan kan word teen 'n diep ongelyke en verdeelde wêreld. In Naweek Aktueel praat Esté de Klerk met professor Antonie van Nieukerk, vebonde aan die Thabo Mbeki Skool vir Openbare en Internasionale Betrekkinge aan Unisa, oor die VN se Algemene Vergadering, wat die doel is van dié vergadering en vra ook of spanning tussen die VSA en SA toeneem.
'n Tiende vroue-liggaam in Ekurhuleni gevind. Hoe vorder die polisie-ondersoek?
Die polisie fynkam die misdaadtoneel waar die liggaam van nóg 'n halfnaakte vrou vanoggend in die suide van Tembisa aan die Oos-Rand gevind is. Dis die tiende vroueliggaam wat sedert 15 Julie vanjaar in Ekurhuleni gevind is. Al die slagoffers is vermoor. Die polisie sê die moontlikheid dat 'n reeksmoordenaar aan die werk is kan nie uitgesluit word nie. In Naweek Aktueel praat Esté de Klerk met die SAUK-verslaggewer, Neria Hlakotsa wat op die moordtoneel is, en ook met die voorsitter van die parlement se portefeuljekomitee oor polisie, Ian Cameron oor die polisieondersoek en DNS wat met die sake verbind kan word.
NAWEEKAKTUEEL 26 SEPTEMBER 2026
Die liggaam van 'n tiende halfnaakte vrou word in die Mooifontein-begraafplaas naby Tembisa-suid in die Ekurhuleni-gebied gevind; die polisie sê hulle kan nie die moontlikheid uitsluit dat 'n reeksmoordenaar aan die werk is nie; Suid-Afrika beoog om 'n handelsooreenkoms oor kritieke minerale met Amerika te sluit; en kritiek oor die weermag se tentatiewe planne om die R4 en R5 met nuwe dienswapens te vervang. Dit en nog meer in Naweek Aktueel saam met Esté de Klerk.
Verkiesingsnuus: DA hof toe oor PR lyste en VF+ bo aan kieslyste
Action SA sê die DA is besig om Suid-Afrikaners se demokratiese reg om te kan stem van hulle te ontneem deur hulle jongste hofoptrede. Dit volg nadat die DA die kieshof genader het, om die proporsionele lyste van die Good party, Action SA , die MK-party en die EFF, onwettig te laat verklaar. Die DA wil ook hê dat die lyste tersyde gestel word. Die partye het slegs een kandidaat op die lyste vir verskeie munisipaliteite geplaas. Die DA voer verder aan dat kiesers van deurslaggewende inligting ontneem word deur net een kandidaat op die PR lys te plaas. Ons praat nou met 'n politieke ontleder van Unisa, Professor Dirk Kotze...
Vriend van Lt. generaal Sibiya verdedig hom
Die staat voer aan dat daar beslaggelê moet word op al Luitenant-genraal Shadrack Sibiya se elektroniese toestelle om intimidasie te verhoed. Die toestelle is ook nodig in die ondersoek na klagtes van moontlike intimidasie wat deur die klaers in die saak gemaak is. Dit was die staat se verweer in die Randburgse Landdroshof waar Sibiya gister verskyn het op klagtes van mensehandel, verkragting, die bevordering van die seksuele voorbereiding van 'n minderjarige en twee aanklagtes van seksuele voorbereiding van 'n minderjarige. Intussen het 'n goeie vriend van Sibiya, Biskop Lauzerus Maumela gesê hierdie is alles deel van 'n komplot om te verseker dat Sibiya nie die nasionale polisiekommissaris word nie. Maumela het vroeer met ons suster stasie SAFM gepraat. Maumela sê hy het Sibiya tydens sy arrestasie gekonfronteer oor die aanklagtes teen hom. Hier is die volle onderhoud...
VSA wil nie sê wie is op die lys van visumbeperkings nie.
Die Amerikaanse ambassadeur in Suid-Afrika, Leo Brent Bozell, sê die name van Suid-Afrikaners wat deur visumregulasies geraak word, sal nie bekend gemaak word nie. Die VSA beplan om visumbeperkings in te stel teen staatsdienswerkers wat by die opstelling van wetgewing oor grondonteiening betrokke is, asook diegene wat, volgens die regering, voortdurend die "Kill the boer, Kill the farmer"-liedjie bevorder. Lizaan Groenewald doen verslag.
Gauteng se meer gegoede skole sukkel
Meer gegoede skole in Gauteng moet vanjaar met minder klaar kom, omdat die provinsiale departement miljoene rand meer sny aan befondsing vir Kwintiel 5 skole. Die skole wat die geld aan onder meer ekstra onderwysers bestee, gaan sukkel om dit voortaan te doen. Die bestuurshoof van die Federasie van Beheerliggame van Suid-Afrikaanse Skole of FEDSAS, Dr. Jaco Deacon, sê Gauteng betaal nou die bedrag soos voorgeskryf deur die Nasionale Norme en Standaarde vir Skoolbefondsing. Skole is egter die afgelope paar jaar meer betaal en het sodanig begroot.
Die president wil een miljard bome laat plant...
Suid-Afrika beoog om een miljard bome landwyd oor die volgende vyf jaar te plant. Dit sal onder meer help om klimaatsverandering te bekamp, luggehalte te verbeter en groener en gesonder gemeenskappe te skep. Die Adjunkminister van Bosbou, Visserye en die Omgewing, Bernice Swarts, lei die implementering van dié presidensiële program, wat op Erfenisdag in Pretoria bekendgestel sal word. Ons praat nou hieroor met haar.
Jongste oor mense wat inhegtenis geneem is vir die moord op een van die Kemptonpark moord slagoffers
Twee vroue en 'n man maak hul eerste verskyning in die Boksburgse Landdroshof in verband met die moord op 'n vrou, wat as die negende slagoffer in die Ekurhuleni-moorde beskryf word. Die liggaam van Jabulile Ntimba is verlede Donderdag deur 'n verbyganger langs 'n pad in Dawn Park aan die Oosrand gevind, te midde van toenemende kommer oor geslagsgeweld en vrouemoord in Suid-Afrika. Die drie verdagtes is die naweek in hegtenis geneem. Ons praat nou hieroor met SAUK-verslaggewer, Refilwe Mekoa.
Is daar n skakel tussen die versuim om in te ent en die verskyning van siektes soos masels
Wat begin het as ‘n gesprek oor die jongste uitbreking van A-pokke in Suid Afrika, het ontaard in ’n bespreking oor die vrees van ouers om hulle kinders deesdae in te ent. Die Nasionale Departement van Gesondheid waarsku oor 'n toename in gevalle van A-pokke. Minstens 18 gevalle is bevestig waarvan ten minste 14 hiervan in die Wes-Kaap, drie in Gauteng en een in KwaZulu-Natal is. Professor Hannelie Meyer het daaroor uitgebrei en ook ouers wat versuim om hul kinders te laat inent gemaan om twee keer te dink aan die risiko’s wat daaraan gekoppel is.
Drie vas in moord op negende slagoffer in Dawn Park, Gauteng
Die polisie se nasionale woordvoerder, Brigadier Athlenda Mathe het in 'n verklaring bevestig dat die polisie 'n deurbraak gemaak het in die moord-ondersoek van die negende slagoffer wat Donderdagoggend in Boksburg gevind is. Drie verdagtes - een man en twee vroue - is die naweek deur die Gautengse Moord- en Roof Eenheid ondervra en in hegtenis geneem. Dié drie verdagtes sal na verwagting vandag in die Boksburg Landdroshof verskyn. Dit is nog nie bekend of hulle by die agt ander moorde betrek word nie. Intussen het ons op Monitor gekyk na die regering se reaksie op die moorde en die polisiekenner en voormalige Kommisaris van die Wes-Kaap Dr. Lennit Max het ook ‘n ou tameletjie aangespreek: Kan die terugkeur van die doodstraf 'n verskil maak in ons moordsyfer?
Hoe bepaal misdaadprofielsamestellers of 'n reeksmoordenaar aan die werk is?
Suid-Afrika is dié week stomgeslaan toe nog vier liggame van vroue wat vermoor is, in die Ekurhuleni-gebied aan die Oos-Rand gevind is. Sedert 15 Julie, is die liggame van nege vroue in dié gebied gevind. Die polisie het 'n veel-dissiplinêre span onder leiding van die Gautengse adjunk provinsiale kommissaris, Generaal-Majoor Mbuso Khumalo, saamgestel. Vier van die nege vroue - waarvan die meeste half-naak gevind is - is reeds uitgeken. Hulle is: Itumeleng Kekana, Gracious Nkomo, Elizabeth 'Tsontso' Moselakgomo en Dineo Evelyn Motapane. In Naweek Aktueel praat Esté de Klerk met 'n wêreldbekende Suid-Afrikaanse forensiese sielkundige en misdaad-profielsamesteller, dr Micki Pistorius - wat 32 jaar gelede die polisie se ondersoek-gerigte sielkunde eenheid gestig en van die land se berugste reeksmoordenaars help aankeer het.
So kan en moet vroue hulleself beveilig - misdaadkenner
Talle vroue, veral in die Ekurhuleni-gebied sê hulle is vreesbevange nadat die liggame van nege vroue oor die afgelope twee maande in die gebied gevind is. In Naweek Aktueel, vra Esté de Klerk aan die misdaadkenner en onafhanklike ondersoeker, Mike Bolhuis hoe vroue hulleself kan, en moet, beveilig.
NAWEEK AKTUEEL 19 September 2026
Suid-Afrika was die week stomgeslaan toe nog vier liggame van vroue wat vermoor is, in die Ekurhuleni-gebied gevind is. In Naweek Aktueel praat Esté de Klerk met kenners oor hoe vroue hulleself moet en kan beveilig, die wêreldbekende Suid-Afrikaanse forensiese sielkundige en misdaad-profielsamesteller, dr. Micki Pistorius, deel haar mening oor dié saak, en die Sprinbok-kaptein, Siya Kolisi het 'n sterk boodskap teen geslagsgebaseerde geweld.
Die dieper redes vir die VSA se “rasse-oorlog” met Suid Afrika
Die organisasie "Afrikaners vir Suid Afrika" beskryf Amerika se jongste visum-beperkings as 'n "onnodig strydlustige waarskuwing" en dreigemente van verdere sanksies deur die Amerikaanse ambassadeur Leo Bozell as 'n poging om Suid Afrika se wette, hofbeslissings en buitelandse beleid te verander. Die VSA se Buitelandse Minister, Marco Rubio het vandeesweek nuwe visum beperkings aangekondig teen enige indiwidue wat skuldig is aan diskriminasie teen Suid Afrika se wit bevolking. Anthonie Van Nieuwkerk is 'n professor in Internasionale Betrekkinge en Diplomasie aan Unisa. Hy is ook 'n ondertekenaar van die brief: "Nie in ons naam nie", wat gelei het tot die ontstaan van die organisasie, Afrikaners vir Suid Afrika. Ons het breedvoerig met hom gepraat oor die impak van die visumbeperkings, maar ook oor die redes hoekom Suid Afrika voortdurend deur Amerika geteiken word.
Die wereld se "KI-slimkoppe" is self bang vir dit wat hulle geskep het
Ons het in 'n breedvoerige gesprek op Monitor met 'n entrepreneur gepraat oor hoe KI in ons plaaslike sakewereld aangewend word en ook by ‘n akademikus gehoor hoekom ons bang moet wees oor die bedrywighede van KI-agente en die verwoesting wat dit kan saai in digitale stelsels waarop die hele moderne wereld staatmaak. Die gesprek volg kort op die hakke van n vergadering, die afgelope naweek, waar die onderskeie skeppers van die wereld se KI-stelsels self pleit vir dringende veiligheidsmaatreels.
Save video to ...
