listen to Tru Fm Current Affairs
Tru Fm Current Affairs
TRUNEWS @6 - ELECTION WEDNESDAY: We take a closer look at the voting process, and the ballots voters can expect at the voting station on Election Day
Kusele iintsuku ezilishumi elinesine phambi konyulo loomasipala luka-2026. Basondele kumashumi amathathu ezigidi abemi beli ababhalisele ukuvota kolu nyulo. Apha enkqubeni sincokole nekomishoni yonyulo ezimeleyo i-IEC, ukuva ukuba ngubani oselungelweni lokuvota ngomhla wesine kwinyanga ezayo, kwaye ubani xa efike kwisikhululo sokuvota kulindeleke ukuba enze ntoni. U-Ayabonga Kekana uye wancokola nosekela manejala wekomishoni yonyulo eMpuma Koloni, uMasindi Mosehana, nalapho eqale ngokumbuza ukuba ngubani oselungelweni lokuvota kolu nyulo…
TRUNEWS@6-Finance Minister Enoch Godongwana says government has crossed the most difficult part of managing the fuel price shock
Siye sathetha nengcali yezoqoqosho norhulumento uGqirha Asanda Fotoyi, nophuma kwiziko-mfundo iWits. Oku kusemva kokuba umphathiswa wemicimbi yemali, u-Enoch Godongwana ewise uhlahlo-lwabiwomali lwaphakathi enyakeni epalamente. Intatheli yethu u-Ayabonga Kekana uqale ngokumbuza ngesibhengezo sikarhulumente sokubanemali esekoyini ayigcinele imihla enje yokuba inike umtyhi kubemi beli, isurplus ngelamakhumsha...
TRUNEWS @6 - Reported cases of gastrointestinal illnesses among students at Rhodes University in Makhanda in the EC
Luyaqhuba uphando kwiYunivesithi iRhodes, eMakhanda kwiMpuma Koloni, kulandela ukugula kwabafundi abangaphezulu kwekhulu sisigulo apho abanye bebetyatyaza, bambi belunywa sisisu behlanza. Ngokwangoku awukaziwa unobangela woku. Ingxelo ekhutshwe leliziko ithi lenza konke okusemandleni ukuqinisekisa ukuba amanzi abawaselayo akhuselekile kwaye nokutya kwabo kusemgangathweni. Intatheli yethu uLubabalo Dada ebetyelele eMakhanda. U-Amanda Xhala sikwamkele Lubabalo...
TRUNEWS @6 - SIBANYE (WE ARE ONE) MANIFESTO
Ukanti sizakuthetha nophuma kumbutho i Sibanye ( We Are One) nongenela unyulo phantsi komasipala ombaxa i Nelson Mandela Bay. U-Amanda Xhala udlene indlebe nozigqatsela ukuba ngusodolophu kulomasipala nongumongameli walombutho, u Xola Given Yani...
TRUNEWS @6 - Expectations from political parties ahead of the tabling of MTBPS
Amanye amaqela ezopolitiko ePalamente afuna umphathiswa wesebe lemicimbi yemali u Enoch Godongwana, aqwalasele umba wokwenyuka kweendleko zamafutha ezithuthi kweli. La maqela alindele ukuba umphathiswa anike ingqwalasela koku ngethuba ezakube esenza intetho yolwabiwo mali lombindi wonyaka, ngemvakwemini yangomso. U-Abongwe Kobokana usenzele le ngxelo...
TRUNEWS @6 - A 65-year old woman dies after a shark attack kuGompo
Umasipala ombhaxa iBuffalo City ulumkise abahlali ngelithi bangaqubhi kwiilwandle i-Orient ne-Eastern beach, eMpuma Koloni. Lo masipala ukwathi abantu mabalumke naxa bequbha kwezinye iilwandle. Oku kulandela ukuhlaselwa kwendadi engowasetyhini oneminyaka engamashumi amathandathu anesihlanu ubudala ngentsasa yanamhlanje ngukrebe, neye yachazwa nje ngeswelekileyo kuloo ndawo yexhwayelo. Lo masipala uthi ulindele iziphumo zophando olunzulu kumapolisa ngeenkcukacha ezithe vetshe ngolu hlaselo, nangeenkcukacha ezisuka kwicandelo elijongene neelwandle. UNtombozuko Balintulo usiqulunqele le ngxelo...
TRUNEWS @6 - Coega Steels to create 300 new direct jobs in the EC after securing a 500 million rand investment
Inkampani iCoega Steels eMpuma Koloni iphehlelele iziko elixabisa amakhulu amahlanu ezigidi zeerandi, eGqeberha namhlanje. Olu tyalomali kulindeleke ukuba luvelise izithuba zengqesho ezintsha ezingamakhulu amathathu. Lukwayinxalenye yokuguqula le nkampani ibe liziko elivelisa isinyithi esingadali ngcoliseko lokusingqongileyo, nelixabisa i 1-point-5 yeebillion zeeradi. Iinjongo kukuqinisekisa ukuba umyinge we 80% wabasebenzi ngabalapha ekhaya, kukwacetywa nokuqeqeshwa uninzi kulungiselelwa amaphulo exa elizayo. Oku kufika ngexesha apho umasipala ombhaxa iNelson Mandela Bay ujamelene nomngeni wokulahleka kwezithuba zengqesho, kulandela ukudendwa kwabasebenzi, nokuvalwa kwemizi-mveliso, kuquka nelahleko yezithuba zengqesho ezingaphaya kwamakhulu alithoba kwinkampani iGoodyear, eKariega kunyaka ophelileyo. UThandokazi Vusani uza nengxelo esiyiqulunqelwe nguKim Daniels...
TRUNEWS @6 - PEOPLE'S POWER MANIFESTO
Ukanti sizakuthetha nophuma kumbutho iPeople's Power nongenela unyulo phantsi koMasipala oMbaxa iNelson Mandela Bay,eMpuma Koloni. U-Amanda Xhala udlene indlebe nophuma kumbutho iPeople's Power, uSiyanda Mayana...
TRUNEWS @6 - DEMOCRATIC MOVEMENT MANIFESTO
Nanjengoko unyulo loorhulumente basekhaya lusemnyango nje, namhlanje sithe masikhe sikuthathe sikuse ku Ward 31, kumasipala ombhaxa iNelson Mandela Bay. Le wadi iquka iMissionvale, iSalt Lake neminye imimandla. U-Amanda ubechophe nogaqele isikhundla sokuba nguceba ku-Ward 31, nophuma kumbutho iDemocratic Movement, uLoyiso Gcume...
TRUNEWS @6 -CHRIST KINGDOM PARTY MANIFESTO
Ngoku masive kumbutho iChrist Kingdom Party, ukuba abahlali baseNelson Mandela Bay banokuwuvotela ungenza ntoni ukuguqula imeko kulo masipala. U-Amanda Xhala udlene indlebe nongumgqatswa kwisikhundla sikadolophu kulo mbutho, uKenneth Tyika...
TRUNEWS @6 - ALL CITIZENS PARTY MANIFESTO
Iyaqhuba imibutho yopolitiko ukugaya inkxaso ngelilungiselela unyulo loomasipala oluzayo ngomhla wesine kweyeNkanga kulonyaka. Phakathi kwalemibutho ingenela unyulo ukhona umbutho i All Citizens Party nogayela inkxaso komasipala abaliqela nekuquka kuyo umasipala ombaxa i Nelson Mandela Bay. U-Amanda Xhala uthethe nothethela lo mbutho phantsi kwalo masipala umbaxa, u Buntu Mdyesha...
NEWS REVIEW| Making sense of the Con Court judgement on IEC vs ANC matter.
Inkundla yomgaqo-siseko igwebe ngecala le-ANC, nalapho ivumele ukuba abagqatswa balo mbutho abayi-181 nabebekhatyiwe ngaphambili yikomishoni ezimeleyo yezonyulo, emva kokungeniswa kwamagama abo emva kwexesha ebelisikiwe, ukuba bafakwe kwakho kuluhlu lwabagqatswa. Le nkundla ikwavumele ukwamkelwa kwengxelo efungelweyo efakwe emva kwethuba, ngelithi olu libaziseko lube luncinane, izizathu eziye zafakwa ziyanelisa, kwaye ayikhange idale ukuba kwenzelwe ifeya icala elinye. Esi sigwebo senkundla yomgaqo-siseko, sijika isigqibo senkundla echophela imiba yonyulo neyagweba ngakwicala lekomishoni yonyulo ezimeleyo, i-IEC. Masihlalutye esi sigwebo sijonge iingxoxo ezithe zenziwa kule nkundla, neziphembelele kwesi sigqibo senkundla yomgaqo-siseko. UAyabonga Kekana uye wancokola nengcali yezomthetho uAdvocate Jazz Vilakazi, kwakunye nomakhi mkhanyi kwimiba yonyulo, uGqirha Nkosikhulule Nyembezi...
INTERCHANGE| Minister, Blade Ndzimande visits the Science and Technology Park at the East London IDZ
Umphathiswa wezenzululwazi nobuchwepheshe, uGqirhalwazi Blade Nzimande, uthi ukuthengwa kweenkqubo zobuchwepheshe kumazwe ehlabathi, nebezinakho ukuveliswa kweli loMzantsi Afrika kuqhwalelisa uhlumo loshishino lwezobuchwepheshe lweli. UNzimande ebekutyelelo lokuhlola iziko lezenzululwazi nobuchwepheshe kummandla wophuhliso lwamashishini, i-East London IDZ, kwisixeko sakuGompo kwiphondo iMpuma Koloni. Lo mmandla wakuGompo nguwo kuphela kwimimandla ekhethekileyo ebizwa ii-Special Economic Zones eneziko lezenzululwazi nobuchwepheshe kweli lizwe. Bebechazela umphathiswa ngemingeni yoqoqosho esisithintelo ekubeni kwamkelwe ulutsha olunomdla nemfuno yoqeqesho kwezenzululwazi nobuchwepheshe. UNtombozuko Balintulo ubelapho, waza wasiqulunqela le ngxelo
INTERCHANGE| IEC extends an opportunity to submit candidate lists to 32 political parties
Ikomishoni ezimeleyo yezonyulo, i-IEC, ilandisile ithuba lokufakwa koluhlu lwabagqatswa yimibutho engamashumi amathathu anesibini ekwimeko efanayo ne-ANC, neyaye yavaleleka ngaphandle nayo, nanjengoko kusiyiwa kunyulo loorhulumente basekhaya ngomhla wesine kwinyanga ezayo. Le komishoni ithi esi sigqibo sijoliswe ekuqinisekiseni ukuba yonke imibutho yezopolitiko ifumana impatho efanayo, kulandela isigwebo senkundla yomgaqo-siseko, negwebe ngecala le-ANC. I-IEC ithi le mibutho ingamashumi amathathu anesibini ityumbe abagqatswa abaye bayithobela yonke imigaqo emisiweyo, ze yahlawula nemali edingekayo, kodwa ayalufaka uluhlu lwayo olugqibeleleyo. Le komishoni ibithetha namajelo eendaba eCenturion, kwiphondo iGauteng, izolo. UZara Groenewald usenzela lengxelo
TRUNEWS @6 - SA businesses lose billions of rands due to US trade tariff hikes
Kuvakala ukuba amashishini athumela iimveliso zawo eMelika ajongene nelahleko ezibhiliyoni eziphindaphindeneyo zeerandi, ngenxa yobudlelwane borhwebo obufadalalayo kunye Melika. Amashishini kwiphondo leNtshona Koloni lilodwa, alahlekelwe yimali engange R2.8 billion kwintengiso yeemveliso ngo2025, logama amanye enyanzeleke avale, ntoleyo ebeka emngciphekweni amawaka emisebenzi. IMelika yenyuse irhafu yeemveliso zeli ezithengiselwa elalizwe ngo30% kweyeThupha. Sithe makhe sijonge imeko yorhwebo kwicandelo lezolimo. U-Amanda Xhala uncokole nophuma kwi-Agricultural Research Council, uNjingalwazi Bongani Ndimba...
TRUNEWS@6-Analysis on the Concourt judgement
Inkundla yomgaqo siseko igwebe ngecala le ANC kumba wabagqatswa abangazange bafakwe kuluhlu labagqatswa kwi IEC. Lo mbutho uye wacel'umngeni kwisigqibo senkundla yezonyulo esaba ngecala le IEC, nebesikhuphela ngaphandle abagqatswa abayi-181 ne ANC ukuba bazigqatsele unyulo koomasipala abathandathu. Le mbambano isukela ekubeni iANC isilele ukucofa iqhosha elithi "Submit as Final" kwinkqubo yeIEC yokufaka abagqatswa ngaphambi kwexesha ebelibekiwe. UAmanda Xhala ubenodliwano ndlebe nomhlalutyi wezopolitiko, ugqirha Asiphe Mxalisa.
TRUNEWS @6 - ANC members and supporters excited about the Concourt judgement
Ehlile amaphaphu kumalungu nabaxhasi be-ANC kwiphondo iMpuma Koloni, kulandela isigwebo senkundla yoMgaqo-siseko, negwebe ngecala lalo mbutho. I-ANC ibijamelene nengxaki yokuba ibingazo kubanabo abagqatswa abakhuphisana kunyulo loorhulumente basekhaya koomasipala bemimandla iNgquza Hill neSajonisi, ngeli lixa koomasipala bemimandla iWalter Sisulu neSunday's River lulunye kuphela uluhlu lwabagqatswa oluye lwangeniswa kwikomishoni ezimeleyo yezonyulo, i-IEC ngamafuphi. Oku kulandela ukusilela kwalo mbutho ukucofa iqhosha elibhalwe "Submit as Final" kwinkqubo ye-IEC yokuchonga abagqatswa ngaphambi komhla obubekiwe, wamashumi amabini anesibhozo kweyeThupha. Le nkundla ingaphezu kwazo zonke ezeli lizwe iyalele i-IEC ukuba iquke abagqatswa be-ANC kuxwebhu lokuvota. UNkululeko Nyembezi uza nengxelo ethe vetshe...
TRUNEWS@6-Constitutional Court has ruled in favour of the ANC
Inkundla yomgaqo-siseko igwebe ngecala le-ANC, nalapho ivumele ukuba abagqatswa balo mbutho abayi-181, nabebekhatyiwe ngaphambili yikomishoni ezimeleyo yezonyulo ukuba bazigqatse kunyulo loorhulumente basekhaya oluza kubanjwa ngomhla wesine kwinyanga ezayo. Le nkundla ikwavumele ukwamkelwa kwengxelo efungelweyo efakwe emva kwethuba, ngelithi olu libaziseko lube luncinane, izizathu eziye zafakwa ziyanelisa, kwaye ayikhange idale ukuba kwenzelwe ifeya icala elinye. Usosiba-jikelele we-ANC, uFikile Mbalula, uye wafikelwa lufefe ngethuba ethetha namajelo eendaba emva kwesi sigwebo, waze waquleka emva koko. UVuyolwethu Mabeqa uza nengxelo esiyiqulunqelwe nguSibahle Motha...
TRUNEWS@6-Understanding the ballot paper in the 2026 LGE
Ngomhla wesine kweyeNkanga, abavoti abaselungelweni bazakuthatha inxaxheba kunyulo loomasipala lwalo nyaka. Xa befika kwizikhululo zokuvota, bambi bazakunikwa iimpepha zokuvota ezimbini, ngethuba abanye bezakunikwa ezintathu. Njengenxalenye yamanqaku ethu angonyulo, sibize ikomishoni ezimeleyo yezonyulo ukuba isincede sifunde ngokuba umvoti uzakunikwa ii-ballot papers ezimbini okanye ezintathu xa kutheni? UAmanda Xhala uncokole nosekela manejala we-IEC eMpuma Koloni, uMasindi Mosehana
TRUNEWS @6 - Mike Shingange has been elected as the new president of COSATU
UMike Shingange wonyulwe nje ngomongameli omtsha womfelandawonye wemibutho yabasebenzi, i COSATU, kulandela ukupatyalaka kwenkongolo yalo mfelandawonye kwinyanga ephelileyo. Oku kuza emva kokuba iimanyano zabasebenzi eziliqela zazingafuni ukungenisa uluhlu lwabathunywa abazimase le nkongolo abaxhasa uShingange njengomongameli. Obekade engumongameli walo mfelandawonye, uZingiswa Losi, kungoku nje ubambe isikhundla sikanobhala-jikelele. Abathunywa abazimase le nkongolo kazwelonke ye COSATU yeshumi elinesihlanu, ebanjwe ngokutsha, bazamkele iinkokheli eziphezulu ezintsha, bevuma amagwijo bedanisa. Namhlanje lusuku lokugqibela lokuhlala kwale nkongolo, nebanjelwe eKempton Park, kwiMpuma yeRhawuti. Kwingxelo kaNothando Magudulela, nanku uThandokazi Vusani...
Save video to ...
