listen to Thobela FM - Current Affairs
Thobela FM - Current Affairs
Poledišano le Lefentse Mashishi yoo a tsenetšego kopano ya bosetshaba ya bana ka White River, Mpumalanga, legatong la bana ba Limpopo
Kopano ya matsatsi a mabedi, e swerwe fase ga moeno wo "Nothing about children, without children."
Go humanwe setopo sa motho yoo go nago le kgonono ya gore ke yo mongwe wa barafi bao ba rafago ntle le molao ka Mashobote probensneg ya Mpumalanga
Ke setopo sa bobedi seo se humanwegwo morago ga gore se sengwe se humanwe ka Laboraro.
Tona ya merero ya selegae Leon Schreiber o re bukana ye tala ya boitsibisho e tla fedishwa ngwaga woo o tlago ka la masome tharo kgweding ya Matshe
Yena o boletse seo ge a thakgola lenaneo la ponelopele la go bitswa Quantum Leap...
Poledišano: SALGA e re go fediša dikgaruru tša bong go nyaka magato a tšhoganetso go tšwa go mebasepala.
Mokgahlo wa mebasepala ka Afrika Borwa elego SALGA o re go fediša dikgaruru tša bong go nyaka magato a tšhoganetso go tšwa go mebasepala.
Ke kgwedi ya temošo ya thlokomelo ya mahlo re boledišane le setsebi sa go ikgetha ngaka ya mahlo Dr Simanga Msutwana.
Leloko la mokgatlo wa tša hlokomelo le kalafo ya mahlo ebile ele ngaka ya go ikgetha Dr Simanga Msutwana o hlohloletša setšhaba go lekola mahlo nako le nako go efoga ditlamorago tše šoro gape le go ja merogo.
Poledišano le modulasetulo wa Africa Mayibuye Movement Kgoši Mike Mathebe ka ditokišetšo tša mokgatlo wa gabo go šeditšwe dikgetho tša pušo selegae kgweding ya Nofemere..
Modulasetulo wa Africa Mayibuye Movement ka Limpopo Kgoši Mike Mathebe ore ga se ba tsebiše bonkgetheng ba bo-mmeyara ba mokgatlo go ralala le naga ka be letetše dipoelo tša dikgetho.
Ditheeletšo tša setshaba tsa khomišene ya Madlanga di tla thomološa ka la senyane kgwedi ya Nofemere go fa dikgetho tša puso selegae sebaka.
Seo se kgonthišitšwe ke khomišene ka Laboraro bjale ka ge raditekisi wa Mpumalanga, Joe Sibanyoni abe a ruma go fana ka bohlatse bja gagwe.
Poledišano: Nkgetheng setulong sa bommeyara Mighty Mabule go šweditšwe ditshepišo tša dikgetho tša mebušo ya selegae
Poledišano le nkgetheng wa bo-mmeyara masepaleng wa Lepelle Nkumpi go tšwa mokgahlong wa UAT Mighty Mabule go šweditšwe ditshepišo tša dikgetho tša mebušo ya selegae.
Poledišano:Di tshephišo tša nkgetheng wa go ikema, Immanuel Tebogo Sejaphala, maemong a bo-mokhanselara wa Ward27 ka go masepala wa Tzaneen
Di tshephišo tša nkgetheng wa go ikema, Immanuel Tebogo Sejaphala, maemong a bo-mokhanselara wa Ward27 ka go masepala wa Tzaneen
Poledišano le Tshepang Mokgokong wa khomišene ya teka tekano ya bong mabapi le leano leo le tsebišitšwego ke presidente Cyril Ramaphosa twantšong ya dikagruru tša bong le dipolao tša basadi.
Tshepang Mokgokong ore ba amogela ka diatla tše pedi taelo go makala a phethagatšo ya molao go šala morago, melato ya GBVF yeo e sego ya rarollwa, go fokotša tšhalelo nthago ditekong tša forensiki gape le gore mebasepala e swanetše go hlatha ditikologo tšeo di lego kotsi go netefatša polokego ya basadi ge ba sepela go ba go itshidulla gareng ga tse dingwe
Presidente Cyril Ramaphosa o tsebitše leano la dintlha tše nne la go šogana le dikgaruru tša bong le dipolao tša basadi ka nageng.
Seo se latela sello sa naga ka bophara morago ga polao ya basadi ba lesome pedi ka dikarolong tše dingwe tša Ekurhuleni bohlabela bja Johannesburg dikgweding tše pedi tša go feta.
Afrika Borwa e re taba ya phihlelelo ya diminerale tša yona ke yona e hlolago dingongorego tša Amerika
Afrika Borwa e re taba ya go kgona go fihlelela diminerale tsa ka mo nageng,tseo di sego tsa tlala ka dinageng tse dingwe,ke yona e hlolago dingongorego tsa Amerika tsa gore naga e sitilwe ke go lokisa melao ye itsego go balwa le tshireletso ya balemi ba maAfrikanere.
Motlatša mokomišinare wa maphodisa yoo a fegilwego Lieutenant General Shadrack Sibiya o lebagane le ditatofatšo tše hlano go balwa go kata, go ruta mosetsana wa mengwaga ye 16 ka tša thobalano le go tshabiša
Motlatša mokomišinare wa maphodisa yoo a fegilwego Lieutenant General Shadrack Sibiya o lebagane le ditatofatšo tše hlano go balwa go kata, go ruta mosetsana wa mengwaga ye 16 ka tša thobalano le go tshabiša
Mong lefelo la go rekisa madila ka Lwandle fao batho ba 11 ba thuntshitswego ba hlokagala o tla lebagana le molato wa go tshela molao wa thekiso ya madila
Mong lefelo la go rekisa madila ka Lwandle fao batho ba 11 ba thuntshitswego ba hlokagala o tla lebagana le molato wa go tshela molao wa thekiso ya madila
Khomishene ya teka-tekano ya bong e hloabetswa ke tshalelanthago ya dipoelo tsa diteko tsa madi melatong ya dikgaruru tsa go amana le bong
Khomishene ya teka-tekano ya bong e hloabetswa ke tshalelanthago ya dipoelo tsa diteko tsa madi melatong ya dikgaruru tsa go amana le bong
Poledišano: Lephodisa le bolaile monna ka morago la tlaiša ngwana ka tša thobalano, morago ga fao la ipolaya
Lephodisa le bolaile monna ka morago la tlaiša ngwana ka tša thobalano, morago ga fao la ipolaya
Poledišano le South African Men's Forum malebana le dipolao tša basadi.
Mohlami wa South African Men's Forum, Mbuyiselo Botha, o re banna ba ka mo nageng ga se ba swanela go ipeela thoko le go hlapa matsogo ge ba bona basadi ba tlaišwa. O re ye le lengwe la mabaka a gore Afrika Borwa, ebe naga ya dikagruru ke gore e tšwa nakong ya dikgaruru mmušong wa kgethologanyo
Poledišano le molekgotlaphethiši wa kgoro ya dinamelwa ka Limpopo.
Molekgotlaphethiši wa kgoro ya dinamelwa ka Limpopo, Nakedi Kekana, o re go bile le dikotsi tse mmalwa ka profenseng ya Limpopo, mo mafelelong a beke. Batho ba be ba tšeere maeto a go fapana go leba ka dikarolong tsa go fapana tša profense go keteka letšatši la bohwa le meketeko ye mengwe ya kgwedi ya bohwa
Pego ya malebana le tiragalo ya go bolawa ga batho ka seboka go la Carletonville.
Maphodisa a mohlaleng wa banna ba seswai bao ba ihlamilego ka dithunya bao ba bolailego batho ba lesomešupa ka lefelong la go rekiša madila la ka Wedela ka bodikela bja Gauteng. Maphodisa a nyakišiša gape ge eba hlaselo yeo e amana le yeo e hlagilego kweding ya go feta goba aowa. Batho ba lesomehlano ba gobetše gona hlaselong yeo ka Wedela.
Ramabelo Johannes Mosehla o ka Germany ga bjale go tšeya karolo mabelong a BMW Berlin Marathon lehono.
Johannes Mosehla wa mengwaga ye masome seswai nne go tswa ka motseng wa Ga-Mogashoa ka Sekhukhune o tsebega ka rekoto ya gagwe historing ya Comrades Marathon.
Save video to ...
