Episode 3969

#Mahlakung –Saki le Alfios ba bona leribiši le swere noga yeo le e tšeerego ka kerekeng ya Moruti Mabona le eme godimo ga pala.Naa go diragala eng kerekeng ye ya ga Mabona ka gore re a kwa ba a kgotsa gore se ke mathomo se diragala?

Episode 3968

#Mahlakung –Mabatho o a lla, o botša Jonjon gore yena o nyaka ngwana. Re kwa Jonjon a kwagala o kare o e bethiša moya taba ye. Naa Jonjon o reng a tšeiša taba ye phefo, o hlagelwa ke eng?

Episode 3967

#Mahlakung-Konstabel Mpedi o sekiša Sophia ka Sethunya seo go thwego o se file Selosecha.Naa Mpedi o tla o beša wa tuka ka Sophia le Selosecha?

Episode 3966

 #Mahlakung –Badgirl le Kgokong ba a kgakgana ,Badgirl o botša Kgokong gore go nale ditaelo tšeo a swanetšegoo go di phetha.Naa e a diragala taba ye magareng ga balekane gore go be le diphiri mabapi le ditaba tša go phetha ditaelo goba tša Badgirl ke tša mohuta mang?

Episode 3965

#Mahlakung –Kgokong o botša Moruti Kgole gore Hlapyadi le Phetola ba rera go ya go nyaka noga ba e tliše kerekeng ya gagwe.Naa Kgokong o di gamotše gabotse ditaba tše, goba ga se a di kwa gabotse. Gona morero wa Phetola le Badgirl ke ofe , ka gore bona ba boletše gore ba swanetše go wiša kereke ya ga Mabona? Ba go se diragatša bjang se?

Episode 3964

#Mahlakung – Titi o botša Millicent gore Rethabile ga a nyake go mo theeletša ge a mmotša gore a kgaogane le Robert ka ge a re o tswalana le Bra Bizza. Millicent o mmotšiša gore ge go le ka tsela ye, phošo ke ya mang. Ka nnete ge Rethabile a ganeletše go ratana le Robert ke ya mang phošo ?

Episode 3963

#Mahlakung –O befetšwe Mochichi wa dinose morago ga go hweleletša mmagwe Petronella a bolela le Mabatho ge a mmotša gore o gononwa gore o imile ngwana wa noga. Naa go nale seo Petronella a ka se dirago go thibela mollo wo wa hlaga , wo o ka dirago gore Mochichi a ye kgolegong ?

Episode 3962

#Mahlakung-Bra Bizza o kgopela Brandon go bolaya batho bao ba mo hlasetšego ge a be a le go la Bloemfontein.Brandon o bolela gore yena a ka se kgone go bolaya Phetola? Naa Brandon o tla bona a dirile eng gona mo ka gore o ba tšhaba bobedi.

Episode 3961

 #Mahlakung –Moruti Mabona le Phetola ba a kgakgana ka lebaka la ge Saki a tlogetše mošomo ga Lethebe a šoma ga Mabona.Phetola o bolela mantšu a gore ,”taba ye , ga se e fele”, Matsobane o mo fetola ka gore ë fedile , e bile a ka se mo kgone”naa Matsobane o hlatha eng ka mantšu a a gagwe?

Episode 3960

#Mahlakung –Bra Bizza o botša Rethabile gore Robert o gotše mmagwe a daka dikolo a mmoputše gomme se se dirile gore Robert a bone mokgwa wa go phela ka dithumya e le wa nnete.Naa Bra Bra Bizza tshedimošo ye kaaka ka Robert o e tsebela kae ?

Episode 3959

#Mahlakung –Jonjon o laela Mabatho gore a kgaogane le Hlapyadi/Badgirl. Naa lebaka legolo la gore Jonjon a dire se ke lefe?

Episode 3958

#Mahlakung –Millicent o botša Matsheko gore Badgirl, Hlapyadi o nale badimo. Naa taba ye ke nnete goba Millicent o hlatha eng?

Episode 3957

#Mahlakung-Bra Bizza o fa Brandon ditaelo tša gore ge Titi goba Rethabile ba mmotšiša se sengwe ka Robert, a homole. Naa ke eng seo Bra Bizza a se fihlago ka wo “Maguda) Robert Nchaupe?

Episode 3956

 #Mahlakung –Petronella o re o bone noga ya matsobane , mola re ekwa ge Saki a botšiša Matsobane gore o nale phoofolo Matsobane a makala.Naa Matsobane o a ikgakantšha goba ba mo thomela maaka ka go ba le noga?

Episode 3955

#Mahlakung –Matsobane o tšwa go tšea Petronella gagabo .Morago ga go bolela le yena a mo tlogela ka kamoreng ya bona, noga e a tsena .Naa Matsobane a ka ba a tsebile ka seo se hlagelago Petronella pele se hlaga goba monna yo wa batho ga a tsebe selo?

Episode 3954

#Mahlakung –Titi o gononwa gore Robert ke ngwana wa Bra Bizza le Sylvia. Naa taba ye ke nnete goba yo Bizza o tswalana bjang le Robert Nchaupe?

Episode 3953

#Mahlakung –Mamabona o leka go rapeletša ngwetši ya gagwe Petronella yoo a mo laelago gore o a tloga o ya gagabo.Naa ke gona ge lenyalo la Matsobane le thubegile goba Mamabona o tla le phološa?

Episode 3952

#Mahlakung-Brandon o botša Titi gore ba hlokomele Rethabile ka ge bophelo bja gagwe bo le kotsing ka Robert.Naa go nale seo Titi a ka se dirago go phološa bophelo bja morwedi wa gagwe ka ge re ekwa gore yo Rethabile ga a na tsebe?

Episode 3951

 #Mahlakung –Phetola o re fuu, o bolela gore o nyaka Saki a boa mošomong ga Lethebe, mola ka lehlakoreng le lengwe re ekwa Matsobane a phamphella Saki ka diketekete tša diranta.Naa re ka bona Saki a tlogetše go šoma ga Mabona a boeletše ga Lethebe?

Episode 3950

#Mahlakung –Mochichi o boditše Tumi gore tatagwe Matsobane o mo lakaleditše madimabe a gore o tlo jewa ke koma ge a ka ya go wela, le  gore o nyaka go dira sehlabelo ka yena.Naa ke nnete Matsobane o nyaka go dira sehlabelo ka Mochichi?

Episode 3949

#Mahlakung –Alfios o tšhabetše ka ntlong o fa Rethabile ditaelo tša go thuša Monica morago ga gore ba humane noga ge ba be ba phuruphutšha ka ge bana ba bodiše Monica gore ba bone noga e tsena ka jarateng ya ga Mojela.Naa Alfios ke lefšiega le le bjang la go tšhabela mosadi a sa mo šireletše?

Episode 3948

#Mahlakung –Jonjon o botšiša Selosecha gore o sepetše bjang ka mošomo kerekeng ya Mabona, re kwa Selosecha a hemela godimo.Naa go diragetše eng sa go tšhoša ge Selosecha a be a ile go nyaka mošomo wa go otlela kerekeng ya ga Mabona?

Episode 3947

#Mahlakung-Ge Millicent a botša Moruti Kgole gore a kgalemele Hlapyadi  a tlogele go bolela gampe ka Matsobane , Kgole o mo fetola ka gore Hlapyadi o hlohleletšwa ke Moya o Mokgethwa go hlomola motse wa Mahlakung mootlwa.Naa Kgole goreng a sa kgale Hlapyadi?

Episode 3946

 #Mahlakung –Matsobane Mabona o botša Petronella gore ge eba o kwane le malome wa gagwe Pokane gore a yo saenela Mochichi komeng, o tlo roula ka gore Mochichi o tla be a jelwe ke koma.Naa Matsobane o hlatha eng ka se?

Episode 3945

#Mahlakung –Alfios o tšhogile kudu ge Malehu a mmotša gore sebatana seo Matsobane a nago le sona se nyaka sehlabelo sa madi a bana ba bona.Malehu o mo eletša gore yena a se fe Rethabile gomme Matsobane a se fe Mochichi. Alfios o mmotša gore yena ga a sa sepela o ya go dula le yena ka ge a tšhaba noga kudu.Naa Alfios le Matsobane ba bothateng ?

Episode 3944

#Mahlakung –Bra Bizza o botša Konstabel Mpedi gore Maguda, Robert o a bolaya.Naa nkane go kwagala e ke Bra Bizza o šireletša Robert.Naa Bizza go nale ka fao a tswlanago le Robert goba lebaka ke lefe la gore a mo šireletše?

Episode 3943

#Mahlakung –Saki o botša Moruti Kgole gore Phetola o tsenwe ke letimone la go bolaya batho.Naa taba ye ke nnete goba Saki o fetwa ke molomo?

Episode 3942

#Mahlakung-Titi o ngaletša Rethabile ge a sa nyaka go kgaogana le Robert,e bile re kwa a mmotša gore o nagana go rekiša dithoto tša gagwe kamoka a huduge Mahlakung go efoga go segwa ke batho ka lebaka la Rethabile.Naa re ka bona Rethabile a kgaogana le Robbie ka lebaka la se?

Episode 3941

 #Mahlakung –Phetola Lethebe o kgeitše dinyakwa tšeo Saki a di ngwadilego.Naa Phetola goreng a dira bjalo a sa phethagatše dikgopelo tša Saki gore e be mošomi yo a kgotsofalago?

Episode 3940

#Mahlakung –Selosecha o kwagala letšhogo la go ya go rapela le Matsobane, naa o hlatha eng ge a botšiša Alfios gore ,’ke tla be ke rapela eng ‘?

Episode 3939

#Mahlakung –Malehu o botša Monica gore morago ga go thekga motse wa ga Mabona, Alfios le Matsobane ba ya go itšhatšharela. Naa Malehu o hlatha eng?

Episode 3938

#Mahlakung –Sebjalebjale o botša Mamabona gore sephiri sa go uta gore Mochichi o kae, se tla dira gore Mochichi a jewe ke moloto ka lebaka la diphiri tša Matsobane. Naa ke nnete re ka bona Mochichi a llwe ke koma goba ke mabarebare ao a fošagetšego?

Episode 3937

#Mahlakung-Matsobane o botša Petronella gore ke yena  noka ya Jordane yeo batho ba rego ge ba feta go yona, ba ipolela melato. Naa Matsobane o hlatha go reng ka mantšu a a gagwe, gona o ra bjang ge a re Mabatho o idibaditšwe ke dibe tša gagwe?

Episode 3936

 #Mahlakung –Mabatho o ka bookelong morago ga go idibala ge ba be ba phuruphutša ga Mabona.Naa go diragetše eng?

Episode 3935

#Mahlakung –Badgirl, le badudi ba Mahlakung ba ile ga Mabona go gwanta kgahlanong le tlaišo ya Petronella le Mochichi, ba rile ge ba  putuka ka ntlong ba nyakana le selo seo se ba tshwenyago, ba bula lepokisitsoko ra kwa ba goelela ba tšhaba.Naa ba tšhaba eng?

Episode 3934

#Mahlakung –Phetola o sekiša Saki ka go ya go šomela Matsobane. Saki o fologa koloi ya Lethebe o a tšhaba. Naa ke gona ge Saki a hlanogetše ba ga Lethebe , gona ke phošo ge a eya go nyaka mafulo a matala?

Episode 3933

#Mahlakung –Phetola o botša Moruti Kgole gore a kgopele Hlapyadi a emiše go ya go gwantela Matsobane.Naa Phetola o amega bjang tabeng ya tlaišo ya Mochichi le Petronella, ge re ekwa ebile a botša Moruti Kgole go botša Badgirl go emiša ka mogwanto?

Episode 3932

#Mahlakung-Matsobane o botša Titi gore gosasa Rethabile o tla ba a boile ka gae.O mmotša gore go nale seo a yago go se dira.Naa Matsobane ke moporofeta goba o hlatha eng?

Episode 3931

Monday –Episode 3931–26th MAY 2025  @19h55  #Mahlakung –Titi o lla gabohloko ka ge a gopola gore Robert o bolaile Rethabile morago ga gore Mamabona a mmotše gore mongaka Malehu o re ditaola tša gagwe di mmontšha phoofolo , noga le lepokisi. Naa ka nnete Robert o bolaile Rethabile goba go diragala eng?

Episode 3930

#Mahlakung –Petronella o hweleleditše Matsobane a bolela ka mogala le mothotsoko ka selo seo a bolelago gore ga se ba mmotša ge ba mo fa sona gore se nale magato a go fapana, le gore se nyaka madi le gore Alfios o bolela gore selo seo se gare se a gola.Naa bophelo bja Matsobane le Afios bo kotsing?

Episode 3929

#Mahlakung –Konstabel Mpedi o thomile dinyakišišo ka David Potsotso Mampane e bile re kwa a kgopela “Selosecha”go mo iša lebitleng la gagwe.Naa Konstabel Mpedi o ya go dira eng lebitleng la David Mampane?

Episode 3928

#Mahlakung –Rethabile le Titi ba lwa ntwa ya mahlo a mahwibidu ge Rethabile a ganelela go ba le Robert a gana go ya gae?Naa Titi o tla kgona go ba kgaogantšha goba Rethabile ke gona ge a nyameletše?

Episode 3927

#Mahlakung-Phetola o ganne go amogela R100 000 ya Matsobane yeo a bego a mo tshepisa yona gore a boe kerekeng ya gagwe. Alfios o bitša phetola setlaela go gana tšhelete.Naa Phetola o bone eng ga Mabona ya go dira gore a tlogele kereke ya gagwe?

Episode 3926

 #Mahlakung –Moruti  Kgole le Mmamoruti Sister Millicent ,ba thekga lesolo la go ya go gwanta kgahlanong le tlaišo ya Petronella.Re kwa Bra Bizza le Jonjon ba bontšha letšhogo la bona ka Matsobane, moo re kwago Bizza a botšišago Moruti gore o nyaka go roula naa le Jonjon a bolela ka go ba kotsi ga Matsobane?Naa Moruti, Mmamoruti le setšhaba sa Mahlakung ba raloka ka mollo?

Episode 3925

#Mahlakung –Moruti Matsobane Mabona o tshwenyegile ka lebaka la gore Moruti Kgole o be a tlile ka ga Mabona ba putuka noga le Mamabona ka dikamoreng.Naa ke ka lebaka la eng taba ya go tla ga Moruti Kgole e mo tshwenya gakaaka?

Episode 3924

#Mahlakung –Mochichi o botša Rethabile gore mmagwe Petronella o re o lorile a nale Mochichi le yena Rethabile ba le ka gare ga muši ba se ba apara? Naa toro ye ya Petronella e hlatha eng?

Episode 3923

#Mahlakung –Rethabile o kgopišwa ke gore Bra Bizza o kgetha go kgaogana le Titi gore yena Rethabile a kgaogane le Robert.Kgokong o mo eletša gore Bra Bizza o a tseba gore Robert o kotsi.Naa nkane Bra Bizza e tšea kgato e kaaka ya kgaogana le moratiwa wa gagwe Titi ka lebaka la kamano ya Rethabile le Robert?

Episode 3922

#Mahlakung-Badgirl o botša Alfios gore seo a se dirago le Matsobane se tlo dira gore ba lobe bana ba bona bjalo ka go ba dihlabelo.Alfios o ganetša seo Badgirl a mmotšago sona.Naa nkane Alfios a ganetša taba ye e bolelwago ke Bdgirl.A ka ba a tseba nnete fela  a e ganetša ka go rata tšhelete goba  lebakabaka ke lefe?

Episode 3921

#Mahlakung –Bra Bizza o botša Brandon gore a phuthaphuthe seo e lego sa gagwe a ye go nyaka madulo go gongwe .Brandon o a mo rapeletša o mmotša gore a a ka mo direla se sengwe le se sengwe seo a ka kgopelago gore a mo direle sona.Bra Bizza o kwagala a sa tšee taba ya gagwe.Naa se ke taetšo ya gore Bra Bizza o sokologile goba bjang?

Episode 3920

#Mahlakung – Moruti Matsobane Mabona o botša Moruti Kgole gore ge Hlapyadi a ka ba a leka a rulaganya batho gore ba tle gagwe, ke gona ge a hwile. Naa Moruti Mabona o hlatha eng ka mantšu a gagwe? O rera go dira eng ka Hlapyadi ?

Episode 3919

#Mahlakung – Saki o botša Tumi gore lebakabaka la gore Robert ba mmitše Maguuda ke gore ge a swere sethunya , o re se sengwe le se sengwe se a kgonagala. Saki o mo lemoša gore maphelo a bona a kotsing ge Brandon a ka botša Robert ka bona.Naa re ka bona Brandon a šomišana le Robert  a ba tšholotše ?

Episode 3918

#Mahlakung –Bra Bizza o koba Konstabel Mpedi ge a mo kgopela gore a šomišane le yena a mo fe tshedimošo.Naa go nale seo se ka dirwago gore maloko a setšhaba ba lokologe go šomišana le maphodisa go bega bosenyi ntle le go bea maphelo a bona kotsing ?

Episode 3917

#Mahlakung- Rethabile o botša Mamabona gore Petronella o re ga a sa nyaka go kwa selo ka Matsobane ka gore ke moloi.Re kwa Mamabona a šireletša Matsobane.Naa se se hlatha eng, a e kaba Mamabona o tseba diphiri tša Matsobane?

Episode 3916

 #Mahlakung –Titi o galefile morago ga gore Rethabile a mmotše gore Bra Bizza o mmoditše gore ge yena Rethabile a ka kgaogana le Robert, yena o ikemišeditše go kgaogana le Titi.Titi o botša Rethabile gore yena le Bizza ba ka se tsoge ba kgaogane.Naa a e kaba se ke taetšo ya lerato la Titi go Bra Bizza , goba go diragala eng?

Episode 3915

#Mahlakung – Petronella o llela go Moruti Kgole gore o hloka Hlapyadi gore a mo thuše a kgoboketše basadi ba mo lwele. Naa Petronella o hloka eng go lokologa bokgobeng bjoo a rego o hloka Hlapyadi go mo hlakodiša?

Episode 3914

#Mahlakung –Monica o kgopela thušo go Malehu go mo utullela seo se tshwenyago Alfios ,gomme Malehu o mmotša gore ke nako ya gore ba ithute go ikemela ka gore ke kgale a ba phuthetše. Naa ke gona ge kamano ya Malehu le ba ga Mojela e phuhlame, goba Malehu o hlatha eng ka polelo ya gagwe?

Episode 3913

#Mahlakung –Badgirl o botša Moruti Kgole gore o ya go šomiša Mochichi go fihlelela seo a se nyakago go Matsobane.Naa morero wa Badgirl o mogolo ke ofe ?Gona leano le a bolelago ka lona, le tla atlega ?

Episode 3912

#Mahlakung- Titi o kgopela Bra Bizza go mo iša gabo Robert Nchaupe gore a yo mmolaya.Naa Bra Bizza o tla dumela go iša Titi ga bo Robert ka gore Bizza o tswalana le Robert?

Episode 3911

 #Mahlakung –Titi o botša Matsobane gore o a itshola ge a ile a thibela Petronella go hlala ka gore ga a sa na taba le lapa la gagwe. Go itaetša kereke ya Matsobane e tsošitše dintwa ka lapeng. Naa re ka bona Matsobane a tswaletše kereke ye go ya go hlokomela lapa la gagawe, goba go ya go diragala  eng?

Episode 3910

#Mahlakung – Bra Bizza o botša Matsobane gore o fetogile ga a sa hlokomela lapa la gagwe,le gore o tlo fetoga hobbo ka lebaka la boruti. Naa Bra Bizza nkane a dio bolela taba ye kaa?Naa re ka bona Matsobane a tlogetše boruti ka baka la se Bra Bizza a mmotšago sona?

Episode 3909

#Mahlakung –Petronella o leleditše Mmabatho mogala ,a lla gabohloko gore go nale monna yo a tsenelago tša thobalano le yena ge Matsobane a ile ntlong ya kereke go yo rapela, re kwa a  botša le Titi gore yena o a hlala.Naa Petronella o a lora goba go diragala eng ka yena?

Episode 3908

#Mahlakung –Badgirl o botša tatagwe Moruti Kgole gore o ikemišeditše,  o  komana madula a bapile ka seo se ka tšwelelelago ga Mabona.Naa o itshepile eng yo Badgirl?

Episode 3907

#Mahlakung- Matsobane o botša Mamabona gore ge nkabe Robbie le batho ba gagwe ba tšhabiše (Kidnap) Mochichi, ba be tlo mmuša le morago ba sa lebelele.Naa Matsobane o boledišwa ke eng se, gona o hlatha eng?

Episode 3906

 #Mahlakung –Konstabel Mpedi o botša Alfios gore phoofolo yeo yena le Matsobane ba e šomišago e gotše gomme e tlo nyaka morwedi wa gagwe Rethabile le morwa wa Matsobane Mochichi gore e be dihlabelo ka ge e ka se sa kgorišwa ke dikgogo. Naa Mpedi o hlatha eng ka se?

Episode 3905

#Mahlakung – Alfios o botša phuthego ye kereke ya ga Mabona gore ba thome go neela ka go swaipha ka dikarata tša panka. Re kwa a ba tshepiša mešomo le ditšhelete.Naa se se re botša eng ka kereke ye ya ga Mabona ?Naa morero wa yona ke ofe motseng wa Mahlakung?

Episode 3904

#Mahlakung –Mochichi o botša Bra Bizza gore Robert le batho ba gagwe ba be ba mmileditše koloing ya bona ba mo sekiša ka Rethabile gore o kae, gomme ba rile ge ba bona koloi ya gagwe ba tšhaba. Naa Robert o rera go dira eng ka Mochichi le Rethabile?

Episode 3903

#Mahlakung –Brandon o tšhošitšwe ke go kwa Jonjon a mmotša gore Selosecha o swere sethunya seo a se filwego ke Sophia go bolaya Bra Bizza. Naa Brandon o tšhošwa ke eng ka gore morero ga se wa go bolaya yena?

Episode 3902

#Mahlakung- Matsheko o botša Millicent gore o gononwa se se sengwe magareng ga Phetola le Sophia, re kwa a mmotša go re o ya go ba hlagišetša kotsi. Naa ke eng sa go dira gore a be le dikgopolo tše bjalo ka tše?

Episode 3901

 #Mahlakung –Mmalo! Selosecha o itebetše, o bolela ditaba tša sephodisa bjalo ka lephodisa la maitemogelo go Sophia, gomme Sophia o mo gononelwa gore ke Mampane. Naa ke gona ge sephiri sa gagwe sa go iphihla se utullugile?

Episode 3900

#Mahlakung – Alfios o botša Rethabile gore a ka se kgone go rwalela Malehu dipheko ka koloi ya gagwe ka gore o e šomiša go rwala meetse a kereke, le gore koloi ya gagwe e ka tla ya šilafala, ka ge a re sehlare le meetse ga di kopane. Naa Alfios o hlatha eng ge a re meetse le sehlare ga di kopane?

Episode 3899

#Mahlakung –Malehu o botša Monica gore ge phoofolo ya Matsobane e kitimiša Alfios, a kgaogane le yena a seke a mo lapiša. Naa Malehu o bona eng ka Alfios?

Episode 3898

#Mahlakung –Kgokong o ganetša Badgirl go ya go hlapišwa nokeng ke Moruti Matsobane Mabona.Naa Kgokong o bona eng seo Badgirl a sa se bonego?

Episode 3897

#Mahlakung- Matsobane o botša Petronella gore ge Motšhitšhi a ka ya komeng, o tlo jewa ke koma. Naa ke eng seo se ka bolayago Mochichi,ka gore le Sebjalebjale taba ye ,o e boditše Mamabona?

Episode 3896

 #Mahlakung –Bra Bizza o roma Brandon gore a ye go mo nyakela batho bao ba mo thuntšhitšego ge a be a le Bloemfontein.Naa re ka bona mmutla o rothile madi taba tša Phetola, Brandon,Tumi le Sophia tša go leka go mmolaya di tšweleletše nyanyeng?

Episode 3895

#Mahlakung – Petronella o botšišaa gore ke ka lebaka la eng yena Matsobane le mmagwe Mamabona ba sa swarwe ke segataladi eupša se tshwenya Petronella le Mochichi fela?

Episode 3894

#Mahlakung –Sophia o botša Bra Bizza gore yena le Phetola ba tshetsheantšhitšwe ke Moruti Mabona ka meetse a gagwe.Naa  taba ye ke nnete?

Episode 3893

#Mahlakung –Mamabona o botša Sebjalebjale gore Titi o ganetša Rethabile go nyalana le Robert ka ge a mo latofatša goba lehodu mola Rethabile le yena a ganetša Titi go nyalana le Bra Bizza ka ge a re le yena ke lehodu. Sebjalebjale o mo eletša go ba lesa ka ge a re tsotsi e tla nyala tsotsi gomme ba dira lapa la magintsha. Naa go tla sa bjang?

Episode 3892

#Mahlakung- Rethabile o botša Titi gore Robbie o mmoditše gore Bra Bizza o nyaka go rekiša ntlo ya bona le go thopa dikgwebo tša bra Tick? Naa e kaba ke nnete morero wa Bra Bizza wa go ratana le Titi ke go mo hlakola?

Episode 3891

 #Mahlakung –Rethabile o fetotše mogopolo gore ga a sa ya go fetolela sefane sa gagwe go ba sa ga Mojela ka ge a re ba mo dira lehodu.Alfios o mmotša gore ga se a mo boutele gore e be ngwana wa gagwe.Naa Rethabile o phošo go tšea sephetho se bjale ka se?

Episode 3890

#Mahlakung –Moruti Kgole o dumela gore Hlapyadi a ye go humana thušo go Moruti Matsobane Mabona ya go mo rola .Naa Moruti Kgole o tšea sephetho se bjalo ka se bjang ka gore re a tseba gore yena le Matsobane ke manaba?

Episode 3889

#Mahlakung –Tumi o botša Sebjalebjale gore Saki o rata go ikhumiša ka basadi ba go ba le sa bona. Naa Saki o tsenwe ke eng ka gore badudi ba mahlakung ga ba tsebe e le motho le basadi?

Episode 3888

#Mahlakung –Badgirl o botša Kgokong gore Matsobane o nale ledimone leo le nyakago gore a itswalele le yena ka phaphošing e tee gore le tšwe. Naa Hlapyadi o hlatha eng ge a re ledimoni le ntšhwa ke le lengwe la go swana le lona?

Episode 3887

#Mahlakung- Petronella o botša Mochichi gore selo seo se lalago se mo kgoka maoto bošego,le yena se mo dira tša phaku? Naa Petronella le Mochichi ,hlakodišo ya bona ba tla e humana kae ka gore Matsobane , hlogo ya lapa ga a ba hlokomele le go ba theeleša?

Episode 3886

 #Mahlakung –Bra Bizza o bolela gore o tla bolela le Robbie gore a kgaogane le Rethabile , fela re kwa a re ga a na le bonnete bja gore o tla dumela ka gore batho ge ba ratana menagano ya bona ga e šome gabotse.Naa ke nnete lerato le a fahla, la dira gore monagano wa gagwe o se šome gabotse?

Episode 3885

#Mahlakung – Bra Bizza o sola Titi ge a kgopela Alfios gore a mo fe R50 000 gore a nyale Rethabile. O bolela gore ke ye ntšhi, go kaone a nyake R10 000 goba R20 000..Naa ge go le ka tsela ye, go dirwe eng ka gore Rethabile o rata go bitša ka sefane sa ga Mojela?

Episode 3884

#Mahlakung –Monica o botša Malehu gore Alfios go nale seo a se rerago le Matsobane , e bile o botšiša gore mošomo wa khudu ke ofe. Naa go diragala eng ka gore Monica o re o rapela gore lapa la gagwe le se tsene mathateng?

Episode 3883

#Mahlakung –Go kwagala Saki a thomile go sepela le banenyana ka koloi yeo a e reketšwego ke Dimakatšo. Naa Saki o hlagelwa ke eng, gona go reng a sa tšhošwe ke ge Brandon a re o ya go botša Dimakatšo ka se?

Episode 3882

#Mahlakung-Petronella o botša Masedi gore ge a bolela ditaba le batho, kudu tšeo di amanago le kereke, Matsobane o feleletša a tsebile.Naa Matsobane a ka ba a mo loketše setlabela sa tekinolotši a kgona go mo kwa a le moo a lego gona go go hlaga eng?

Episode 3881

 #Mahlakung –Joo! Moruti Kgole le Mma Moruti Kgole ba tšhošitšwe ke leribiši, re kwa e bile Moruti a bolela gore o ile a no emiša le thapelo yeo a bego a e rapela.Naa Moruti le Mma Moruti ba hlagelwa ke eng?

Episode 3880

#Mahlakung – Badgirl o botša Sophia gore o ya go nyakišiša ka yena(Sophia) le Selosecha gomme a ba bee maemong a bona. Naa Badgirl o hlatha eng ge a re o tlo ba bea maemong a bona?

Episode 3879

#Mahlakung –Moruti Mabona o romela leribiši go theta le metse ya Mahlakung go mo tšeela ditaba.Naa Matsobane o tsenwe ke eng?

Episode 3878

#Mahlakung –Titi o kgopela Bra Bizza sethunya gore a kgone go bolaya Robbie, o a gana, o  mo kgopela gore a mmolayele yena ge eba o a mo rata, Bra Bizza o kgohlola mahlo.Naa Bra Bizza o hlagelwa ke eng?

Episode 3877

#Mahlakung-Rethabile o befetšwe kudu, o botša Masedi gore a tšwe ditabeng tša gagwe le Robbie. Naa re ka re se ke lerato leo le mo fahlago, goba o hlagelwa ke eng?

Episode 3876

Episode 3875

#Mahlakung – Alfios o kgopišitše Phetola gomme, re kwa Phetola a mmotša gore a botše Matsobane a tle a mmone gae ga gagwe. Naa Phetola o gopotše go dira eng?

Episode 3874

#Mahlakung –Selosecha o botša Konstabel Mpedi gore lebakabaka la gore Malehu a se belege, ke gore o ile a ntšha mpa. Naa Selosecha o rata go fihlelela eng ka ditaba tše a di botšago Mpedi tša go se kgahliše ka Malehu?

Episode 3873

#Mahlakung –Mma Moruti Kgole, Sister Millicent ,o sola Moruti gore ke ka lebaka la eng a sa kgone go lemoga gore Selosecha ke mang a phalwa ke Hlapyadi mola yena e le Moruti. Naa go a sodiša ge Moruti a sa lemoge bonweenwee bja Selosecha?

Episode 3872

#Mahlakung-Masedi o botša Tumi gore ba tlogele taba ya go kgoboketša bohlatse bja gore Brandon ke yena a bolailego Tiny.Se se kaone ke gore ba mmolaya.Naa ba tla e kgona ya go mmolaya?

Episode 3871

 #Mahlakung –Petronella o lla gabohloko, o botša Mabatho gore o imetšwe le gore o kwa bohloko kgaufsi le popelo.O re ngaka o re ga a bone selo.Naa Petronella o hlagelwa ke eng?

Episode 3870

#Mahlakung – Petronella o gakanegile, o botša Jonjon gore Matsobane ga a sa mo kgwathwa le go mo phophola le gore yena o bolawa ke tlala. Naa go tla sa bjang gona mo?