Middagvervolgverhaal
'n Radiovervolgverhaal wat jou verbeelding vrye teuels gee.
TIEN DAE deur Lee Doubell - Episode 5
Dennis en Richard ontmoet, en gesels oor die feit dat hulle maar min kon uitvind oor Madame Kyrioskie en haar boot. Dennis bel vir Albert, en probeer om die waarheid oor die bootreis uit te vind. Albert kondig aan dat Madame Kyrioskie besluit het om die geld wat hulle op die bootreis sal verdien, te verdubbel.
TIEN DAE deur Lee Doubell - Episode 4
Susan, Bettie en Essie word almal wakker wanneer daar in elkeen van hulle se bankrekeninge R30 000 gedeponeer word. Richard en Tanya word ook wakkergemaak deur die deposito’s. Hulle bespreek die moontlikheid van nog ‘n vitrobehandeling, wat dalk keer dat Tanya mag saamgaan op die bootreis.
TIEN DAE deur Lee Doubell - Episode 3
Richard vra vir Susan, Bettie en Essie om te wag met hulle besluit oor die bootreis. Kaptein JP Swart bel vir Madame Kyrioskie. Hy is bekommerd omdat niemand haar uitnodigings al aanvaar het nie.
TIEN DAE deur Lee Doubell - Episode 2
Almal wat uitgenooi is vir die plesierbootvakansie word helfte van die ‘omkoopgeld’ dadelik belowe. Richard vra vir Dennis om te kyk wat hy oor die bootreis kan uitvind. Susan gesels met Lauren om seker te maak of sy emosioneel gereed is vir die bootreis.
TIEN DAE deur Lee Doubell - Episode 1
Essie word in die polisieselle aangehou, en Richard kom om haar te haal. Lauren is weer terug by Nova Sentrum vir behandeling deur Magda. Susan, Magda en Lauren word vir ‘n geheimsinnige tiendae lange plesierbootvakansie uitgenooi.
BOKKOMS VIR BRÊKVIS deur Ilne Fourie - Episode 22 (slot)
Dis die laaste dag van die vakansie, en die groot oppak begin. Henk se rug is in spasma van heeldag se staan en aartappels skil, en Ansie verras hom deur hom mee te deel dat hy vir Dollie moet help om vir Skommel te haak. Toontjies verloor per ongeluk Dollie se gesogte Harley Davidson Bar & Shield Flames-snoekerballe tydens die opslaan van hulle tafelblad – tot Dollie se groot ontsteltenis. Suzette lei aan vakansieblues, en deel ‘n geheim met Dries wat die wind uit sy seile slaan. Dis die laaste aand om die kampvuur – tot Dries opstaan om met die kampeerders die groot nuus te deel. Dit is die laaste aand in Pikkewynpark... of is dit?
BOKKOMS VIR BRÊKVIS deur Ilne Fourie - Episode 21
Dries word deur Suzette oor die vingers getik oor sy ongesonde leefstyl. Die eerste lekkerny wat gesny moet word, is kondensmelkkoffie. Dries skop viervoetig vas, en beklemtoon dat hy klaar is met soja en amandelmelk – boontjies hoort in ‘n bredie en neute in koekstruif. Sommer gou kloof die egpaar hare oor die BBB van verstaan jou man en die alfabet van vrouwees. Dollie en Toontjies is druk besig om voor te bly met Henk en Ansie se visvoorraad. Dollie sien gou dat die vis en skyfies verkoop soos soetsnoek en sy kop se besigheidsratte begin draai. Suzette word uitgevang, en moet te kenne gee – kondensmelkkoffie bly die beste.
BOKKOMS VIR BRÊKVIS deur Ilne Fourie - Episode 20
Pikkie kom met ‘n voorstel na Henk en Ansie dat hulle ’n vis-en-skyfiestalletjie vir die dag moet opslaan. Hy probeer sy beste voetjie voorsit terwyl sy baas in die omtrek is, en sy enigste redding is Ansie se kraakvel-geelstert. Henk en Ansie oorweeg die opsies, en besluit vinnig dat ’n vis-en-skyfiestalletjie glad nie ‘n slegte idee is nie. Ansie verklap aan Henk dat sy graag weer sal wil begin skilder, en selfs Henk bieg dat die stadslewe en kantoorure hom versmoor. Pikkie kry ‘n das wat netjies pas, en Ansie deel met die twee manne haar geheime kraakvel-geelstertsous, wat Pikkie se baas se voete onder hom uitgeslaan het.
BOKKOMS VIR BRÊKVIS deur Ilne Fourie - Episode 19
Pikkie bevind hom in ‘n reuse penarie. Sy baas kom met ‘n blitsbesoek die kampterrein ondersoek. Arme Pikkie besef gou dit was dalk nie wys om op sy CV te jok net om ‘n gratis visvangvakansie in te katrol nie. Pikkewyne sonder broeikaste, geen vars brood, ‘n verstopte stortdrein, ongemerkte staanplekke en nat braaihout is maar net ‘n paar van sy probleme. Sommer gou spring Dollie in met sy premium asyn en koeksoda om alle storte te ontblok. Met Henk en Dries agter die roosterkoek-rooster, Toontjies se spekboomblatjang en ‘n rol jakkalsdraad, red hy die dag.
BOKKOMS VIR BRÊKVIS deur Ilne Fourie - Episode 18
Dis nog ‘n gewone dag in Pikkewynpark, en Suzette en Toontjies is aan diens om te sorg vir middagete wanneer die manne van die see af terugkeer. Toontjies is ‘n leermeester van formaat, nie net agter die kospotte nie, maar ook van die lewe. Toontjies leer vir Suzette die wonders van die see, snoekkuite, en hoe en wanneer om snoek te koop. Suzette leer vir Toontjies watter wyn pas by watter visdisse. Sommer gou gesels die twee uiteenlopende vroue kop- en kosstukke, en Toontjies deel ‘n spesiale geheim met Suzette.
BOKKOMS VIR BRÊKVIS deur Ilne Fourie - Episode 17
Ná Liefie se groot gyselaarsdrama en die broeis pikkewyn, besluit Suzette genoeg is genoeg. Sy pak haar tasse om huis toe te gaan. Die vakansie is verby! Dries is raadop, want hy wil graag langer bly. Ansie kom tot almal se redding, en spring dadelik aan die werk. Die groepie beplan om vir Suzette te bederf met ‘n aand van uiteet, ‘n borrelbad en mooi musiek. Ansie en Suzette deel ‘n spesiale oomblik, Suzette deel ‘n diep geheim en vrees met Ansie. Ansie verstaan vir die eerste keer hoe Suzette voel. Die aand word afgesluit met kraakvel-geelstert, ‘n selfgemaakte borrelbad, sjampanje en Ansie se geheime sousie.
BOKKOMS VIR BRÊKVIS deur Ilne Fourie - Episode 16
Henk merk op dat sy ma en pa die seevakansie geniet, en dat sy pa vir die eerste keer werklik ontspan. Dries droom oor ‘n huisie by die see, en begin al hoe meer aan die gedagte te herkou om dalk ‘n familievakansiehuis vir die Du Toits en die Louws te koop. Selfs Suzette het ‘n drastiese ommeswaai, en gaan stap selfs met Liefie op die strand en dra vir die eerste keer in haar lewe plakkies. Ongelukkig is die rus en vrede van korte duur. Liefie beland in ‘n broeis pikkewyn se nes, en Operasie Liefie word gelanseer. Dries besef Suzette is dalk nie heeltemal uitgeknip vir die kampleefstyl nie, en sy drome oor ‘n vakansiehuisie by die see is verpletter.
BOKKOMS VIR BRÊKVIS deur Ilne Fourie - Episode 15
Dit is die eerste dag van die jaar, en die kampeerders skop dit af met Dollie se Louw-tradisie. Sy boot, Skommel, word gehaak vir ‘n dag op die water, braai en visvang. Henk is glad nie te vinde om douvoordag op die oop see te gaan ronddobber nie. Ansie stel hom gerus dat hy net helderkleurige swembroeke moet dra om nie haaikos te word nie. Henk is angsbevange en gooi jakkalsdraaie om so ver moontlik van Skommel of diepseegevaartes af te kan bly. Dollie se hart bars van trots wanneer hy vir Henk vertel dat hy nog al die jare gehoop het Ansie katrol vir haar ‘n bobaas visserman uit! Henk speel oop kaarte, en vertel skaam dat hy alles behalwe ‘n visserman is.
BOKKOMS VIR BRÊKVIS deur Ilne Fourie - Episode 14
Dis die Oujaarsaand-partytjie, en Pikkewyn Park is in rep en roer! Ansie en Henk word ingedeel by die gesiggieverf-stalletjie, maar besef gou dat hulle dalk nog nie heeltemal gereed is vir kinders by dosyne nie. Tussen taai haasbekke wat geverf moet word, ‘n likkewaan wat gevryf mag word, en ‘n hok vol hoenders en marmotte is daar gou konsternasie in die kamp. Leopold, die likkewaan, ontsnap en het die hele kamp op hol. Die Louws en die Du Toits vier die oujaar op die strand met vuurwerke, en ‘n groot wens word vir Henk en Ansie waar.
BOKKOMS VIR BRÊKVIS deur Ilne Fourie - Episode 13
Daar is groot opwinding in die park. Dis die dag voor die jaarlikse oujaarspartytjie en feestelikheid. Pikkie bevind homself in ‘n penarie. Dit is broeiseisoen, en al wat ‘n pikkewyn is, is op hol. Ná ‘n groot gefuif, steel ‘n groep studente sy pikkewyn-springkasteel en laat dit beland in die strandmeer. Snoekbraaiers wat allergies is vir vis, ‘n vermiste springkasteel, ‘n vroetel-en-vryf-kampie sonder pikkewyne of enige kindervermaak, plaas Pikkie se amp as parkbestuurder in gedrang. Ansie en Henk stem in om te help met die oujaarspartytjie, en almal kry ‘n takie waarmee hulle moet help om van Pikkie se partytjie ‘n sukses te maak. Suzette vind uit by watter kampkompetisie sy moet beoordeel – Meneer Boepens 2024!
BOKKOMS VIR BRÊKVIS deur Ilne Fourie - Episode 12
As daar nou een ding is wat enige kampeerder ‘n pyn in die blad gee, is dit ‘n opblaasmatras wat afblaas. Suzette kry net nie haar lê nie, danksy Liefie wat ‘n gat in die matras gebyt het. Toontjies leer vir Suzette hoe om enige gat of kraak toe te stop met blitsgom en bakpoeier. Suzette is bekommerd oor die baba se name, en voel dat dit net reg sal wees dat Henk en Ansie die kind familiename moet gee – haar naam natuurlik! Toontjies voel dat die babatjie haar kant van die familie se name moet dra. Sal Henk en Ansie die familiename voortdra?
BOKKOMS VIR BRÊKVIS deur Ilne Fourie - Episode 11
Dit is Tweede Kersdag, en Suzette se nerwe is dun geskuur. Die twee families se uiteenlopende musieksmaak sorg vir groot meningsverskille en kopseerpille. Dollie luister slegs na die Weskusvastrap, en Suzette verkies ‘n glasie verkoelde witwyn saam met die strelende klanke van Mimi Coertze. Dollie besluit om die Pretorianers te leer hoe om behoorlik kreef te eet. Suzette moet op haar tong byt en kom aansit by ‘n tafel oorgetrek met koerantpapier vir die kreefdoppe.
BOKKOMS VIR BRÊKVIS deur Ilne Fourie - Episode 10
Dis Oukersaand en die Pikkewynpark maak gereed vir geskenke uitdeel. Ansie wip haar sommer vroeg-vroeg vir Henk, wat met die lawwe voorstel vorendag kom dat hulle ‘n bietjie vakansiegees moet vang. Die geskenke word noukeurig nagegaan, en die noodhulpkissie se pleisters moet instaan as kleefband. Ansie verdwyn geheimsinnig om ‘n geskenk te gaan soek vir Liefie. Die geskenke word om die kampvuur uitgedeel, en groot opwinding heers wanneer Ansie onverwags ‘n groot geskenk en verrassing aan die familie gee.
BOKKOMS VIR BRÊKVIS deur Ilne Fourie - Episode 9
Suzette se eerste nag as kampeerder verloop seepglad. Sy slaap soos ‘n baba, maar tot Henk en Dries se groot ontsteltenis, wanneer hulle besef hulle het per ongeluk ELKEEN vir Suzette twee slaappille ingejaag. Suzette ontwaak met kloppende hoofpyn, en almal moet bontstaan om haar te paai. Dries deel sy wyshede oor die huwelik en sewe sakke sout opeet met Henk. Geheime word gedeel en geseël met ‘n goeie koppie kondensmelk-kampkoffie. Dollie besluit om die vakansie af te skop met sy befaamde Weskus-braaibroodjies.
BOKKOMS VIR BRÊKVIS deur Ilne Fourie - Episode 8
‘n Moeë groepie sluit uiteindelik aan by Dollie en Toontjies in Pikkewyn Park. ‘n Stokou GPS wat meer herbereken as bereken laat gou die gemoedere opvlam, tot hulle Dollie se kampvuur sien! Die eerste ontmoeting tussen ouers en skoonouers vind plaas. Liefie word natuurlik ook bekendgestel, maar word misgis as ’n rot, en word amper van kant gemaak, tot groot ontsteltenis van Suzette natuurlik. Ansie stel voor dat hulle vir Suzette ‘n slaappilletjie injaag om haar rustig te maak vir haar eerste aand as ’n beginner-kampeerder.
BOKKOMS VIR BRÊKVIS deur Ilne Fourie - Episode 7
Die uittog word eers afgelas sodat Henk se onderstel op Vosburg vervang kan word. Liefie jaag ’n meerkat, en Ansie kom tot sy redding. Ná ‘n naelloop deur ‘n doringdraad en vars beesmis, lê Ansie vir Henk die grondreëls neer - Sy sal nié die hele vakansie na Liefie kyk nié! Henk besluit om sy stem dik te maak. Ongelukkig is Henk se woordkeuse en vasvat en vastrap van sy ma vir Suzette ‘n reuse klap in die gesig. Sy is woedend en weier om die wit vlag van vrede te hys. Henk voel skuldig, en Ansie speel bemiddelaar.
BOKKOMS VIR BRÊKVIS deur Ilne Fourie - Episode 6
Die sleepwaentjie is gehaak, die padkos is gepak en die Groot Trek na Pikkewyn Park begin - ongelukkig nie so seepglad soos beplan nie. Suzette se wasmasjien, dubbelbed en spieëlkas trek saam. Ongelukkig veroorsaak dit dat Henk se blindekolle versiende en bysiende is, en ná ‘n berekeningsfout tussen skerp links en regs beland Suzette se meubels in ‘n sloot tussen Carnarvon en Vosburg. ‘n Noodstop, ‘n gekraakte onderstel en ‘n wasmasjien wat flenters is, lei tot groot konsternasie en familiedrama.
BOKKOMS VIR BRÊKVIS deur Ilne Fourie - Episode 5
Ansie is onsteld omdat hulle steeds by Henk se ma-hulle “kuier”, selfs al woon hulle net 20 km van hulle af. Henk gooi dadelik wal, en verduidelik dat hy net so bietjie langer wil vertoef om sy ma-hulle te help met die pakkery en beplanning. Ansie voel dat Henk se ma hom manupileer omdat sy nie haar sin kry nie, en nou die hulpelose-slagoffer-wat-nog-nooit-gekampeer-het-nie-troefkaart speel. Hulle besluit om hulle staanplekke te bespreek, en bel die parkopsigter Pikkie Pienaar. Gillende kampkinders, broeiseisoen en die feit dat ekstra veiligheidsmaatreëls toegepas sal word nadat ‘n paartjie ‘n pikkewyn gesteel het, laat hulle gou besef – hierdie vakansie gaan nie ‘n gewone vakansie wees nie!
BOKKOMS VIR BRÊKVIS deur Ilne Fourie - Episode 4
Suzette het ‘n ernstige gesprek met Henk. Sy spreek dadelik haar kommer uit hoekom sy dink dat Ansie en haar familie nie van hulle dam se ganse is nie. Henk is seergemaak, en verduidelik aan sy ma dat as Ansie nie welkom is nie, is hy ook nie. Suzette moet ‘n belangrike besluit neem – sal sy Ansie verdra, en so haar verhouding met haar liefingseun behou, of sal sy vasskop en haar sin probeer kry? ‘n Interessante telefoongesprek laat haar tog van plan verander. Miskien is ‘n tweede wittebrood net die regte medisyne vir skoonfamiliepyne.
BOKKOMS VIR BRÊKVIS deur Ilne Fourie - Episode 3
Die twee vroue in arme Henk du Toit se lewe, se gemoedere loop hoog. Suzette is steeds gekrenk deur die feit dat sy nie na haar enigste seun se troue genooi is nie, en Ansie is woedend oor Henk se matriekafskeidfoto saam met sy eks wat steeds teen die spaarkamer se muur pryk. Ná ‘n misverstand oor enkels, gene, dik bene en ‘n luukse vakansie op ’n eiland, lê Henk streng reëls neer wat sy ma moet nakom. Suzette stem in om te gaan kampeer op haar voorwaardes. Maar dan kom daar nog nuus - daar sal nog twee buitengewone gaste by hulle aansluit...
BOKKOMS VIR BRÊKVIS deur Ilne Fourie - Episode 2
Henk en Ansie daag op by Henk se ouerhuis om die nuus te breek dat hulle die vakansie getroud is. Henk se ma, Suzette, maak sommer met die intrapslag geen geheim daarvan dat sy nie dink Ansie is troumateriaal nie, en noem haar gereeld “per ongeluk” Henk se eks-meisie se naam. Dan is daar ook Liefie, Suzette se liefling pug, wat ‘n swak blaas het, en Ansie se nuwe tekkies gebruik as ‘n grasperk. Henk besef vinnig dat hy nie die boodskapper wil wees van hierdie ongemaklike nuusbom nie, en hy gooi jakkalsdraaie in ‘n hoenderhok. Iemand beland in die “dog box”, en dit is beslis nie Liefie nie.
BOKKOMS VIR BRÊKVIS deur Ilne Fourie - Episode 1
Henk en Ansie du Toit is pas terug van hul drie weke lange wittebrood by Pikkewyn Park. Ongelukkig brand die huweliksvure nie lank nie toe hulle besef dit was ‘n reusefout om nie hulle ouers na die troue te nooi nie. Vinnig word beskuldigings rondgeslinger oor wie se ouers die ergste is. Henk kom met ‘n briljante plan na vore om te red wat daar te redde is. ‘n Tweede wittebrood saam met hulle ouers – ‘n skoonfamilievakansie om almal mekaar beter te leer ken. Ansie stem in, op een voorwaarde...
SONSAK OOR VERLATENSRUS deur Albert Short - Episode 60 (slot)
Hantie en Wessel kan die onvermydelike nie langer uitstel nie. ‘n Onmoontlike keuse moet gemaak word.
SONSAK OOR VERLATENSRUS deur Albert Short - Episode 59
In weerwil van tragiese nuus, duur die soektog na die akteurs voort. Bella moet haastig ‘n besluit maak - veg of vlug?
SONSAK OOR VERLATENSRUS deur Albert Short - Episode 58
Wessel en Francisco soek tekens van die vermiste akteurs langs die plaaspaaie. Hantie en Mildred gaan vir ‘n wandeling deur die park.
SONSAK OOR VERLATENSRUS deur Albert Short - Episode 57
Hantie en Wessel lees terugvoer oor die konsert aanlyn. Die soektog na die akteurs word verskerp.
SONSAK OOR VERLATENSRUS deur Albert Short - Episode 56
Dis oomblikke voor die konsert, maar die uitdagings is nog lank nie verby nie. Op die nippertjie kry Hantie ‘n blink plan.
SONSAK OOR VERLATENSRUS deur Albert Short - Episode 55
Alles is uiteindelik gereed vir die konsert, maar skielik is daar ‘n probleem met die akteurs. Vrot Rot daag by Bella se huis op.
SONSAK OOR VERLATENSRUS deur Albert Short - Episode 54
Hantie laat haar nie deur haar wond van stryk bring nie. Mildred gee verwarrende instruksies oor wat Wessel en Francisco moet doen.
SONSAK OOR VERLATENSRUS deur Albert Short - Episode 53
Francisco lê ‘n klag by die polisie, en dreig Bella om haar aanvalle te staak. Finale voorbereidings vir die konsert word getref.
SONSAK OOR VERLATENSRUS deur Albert Short - Episode 52
Hulp daag op in ‘n uitsonderlike vorm. Die vooruitsig van ‘n nag op die hospitaal se plastiekstoele is glad nie aanloklik nie.
SONSAK OOR VERLATENSRUS deur Albert Short - Episode 51
Mildred waarsku die sersant oor die ramp wat besig is om in die bos af te speel. Die reddingspan begaan ‘n groot fout.
SONSAK OOR VERLATENSRUS deur Albert Short - Episode 50
Kersie vermoed dat ‘n ramp besig is om te gebeur, en kry ‘n reddingspan bymekaar. Die reddingspan ondervind egter probleme van hulle eie.
SONSAK OOR VERLATENSRUS deur Albert Short - Episode 49
Hantie en Wessel verkeer in doodsgevaar toe ‘n rustige besoek aan die waterval skeefloop.
SONSAK OOR VERLATENSRUS deur Albert Short - Episode 48
Hantie besluit om vir Wessel haar geheime plekkie in die bos te gaan wys, maar hulle word deur ‘n ongure karakter ingewag.
SONSAK OOR VERLATENSRUS deur Albert Short - Episode 47
Willem tart die noodlot. Die dorp vier bruilof, maar dinge loop skeef, en die saal moet dringend ontruim word.
SONSAK OOR VERLATENSRUS deur Albert Short - Episode 46
Wessel verduidelik sy besluit om terug te keer Verlatensrus toe. Kersie gooi alle norme en tradisies oorboord, en maak ‘n lewensveranderende skuif.
SONSAK OOR VERLATENSRUS deur Albert Short - Episode 45
Bella kry besoekers in die tronk. Die dorp is verras toe daar onverwags drie volgelaaide vragmotors aankom.
SONSAK OOR VERLATENSRUS deur Albert Short - Episode 44
Sersant Huffnagel konfronteer vir Bella. Willem het kreatiewe idees vir die teater. Later besluit hy om buitekant in die donker te gaan skilder.
SONSAK OOR VERLATENSRUS deur Albert Short - Episode 43
Bella en Vrot Rot jaag deur ‘n slaggat op pad stad toe, en bars twee buitebande. Willem steel ‘n hooibaal.
SONSAK OOR VERLATENSRUS deur Albert Short - Episode 42
Bella en Vrot Rot besluit om te vlug. Mildred moedig vir Kersie aan om weg te doen met tradisie, en hef in eie hand te neem.
SONSAK OOR VERLATENSRUS deur Albert Short - Episode 41
Willem skilder vir Kersie, maar dinge verloop nie heeltemal glad nie. Hy het ook ‘n paar voorstelle oor die restourasie van die teater.
SONSAK OOR VERLATENSRUS deur Albert Short - Episode 40
Willem verdwaal op pad na Verlatensrus, en Kersie is onmiddelik verlief. Bella skuil ondergronds, en bekla haar lot teenoor Vrot Rot.
SONSAK OOR VERLATENSRUS deur Albert Short - Episode 39
Sonder die teater lyk dit onwaarskynlik dat Verlatensrus sal oorleef. Hantie dring daarop aan dat Wessel sy konsert eerder in Pretoria aanbied.
SONSAK OOR VERLATENSRUS deur Albert Short - Episode 38
Hantie pamperlang haar ouma. Kersie voel sleg oor al die ongelukkigheid wat haar ma veroorsaak het. ‘n Brand breek uit.
SONSAK OOR VERLATENSRUS deur Albert Short - Episode 37
Daar is konsternasie by die wynkelder. Mildred gee vir Bella ‘n kosbare geskenk. Kersie stel voor haar ma dink versigtig na oor alles wat sy aangevang het.
SONSAK OOR VERLATENSRUS deur Albert Short - Episode 36
Kersie konfronteer haar ma oor Mildred se aanhouding. Sy het ‘n moeilike besluit om te maak, en neem ‘n drastiese stap.
SONSAK OOR VERLATENSRUS deur Albert Short - Episode 35
Bella stel onbillike eise aan Mildred, maar dié maak dit duidelik dat sy nie ‘n katjie is om sonder handskoene aan te pak nie.
SONSAK OOR VERLATENSRUS deur Albert Short - Episode 34
Bella dreig vir Mildred. Hantie en Wessel skrik toe hulle aasvoëls in die veld gewaar.
SONSAK OOR VERLATENSRUS deur Albert Short - Episode 33
Sersant Huffnagel besoek die potensiële misdaadtoneel in die bos. Bella pluk ‘n roos en bring dit wynkelder toe met ‘n spesiale versoek.
SONSAK OOR VERLATENSRUS deur Albert Short - Episode 32
Kersie moet ‘n front voorhou. Hantie en Wessel verken die plaaspaaie, en sien hoe Bella en Vrot Rot iets verdags aanvang.
SONSAK OOR VERLATENSRUS deur Albert Short - Episode 31
Wessel en Francisco los per ongeluk een van die dorp se mees tergende raaisels op. Die soektog na Mildred begin in alle erns.
SONSAK OOR VERLATENSRUS deur Albert Short - Episode 30
Hantie besef dat sy ‘n fout gemaak, en Mildred se lewe in gevaar gestel het. Bella deel bevele en dreigemente uit.
SONSAK OOR VERLATENSRUS deur Albert Short - Episode 29
Bella praat haarself uit ‘n ernstige situasie los. Wessel is bekommerd oor Mildred, maar Hantie verseker hom dat alles in die haak is.
SONSAK OOR VERLATENSRUS deur Albert Short - Episode 28
Hantie stel die dorp gerus oor Mildred se verdwyning. Bella besluit dis tyd om die dorp op sy kop te keer.
SONSAK OOR VERLATENSRUS deur Albert Short - Episode 27
Mildred raak moeg daarvoor om knaend opgepas te word. Wessel en Francisco is besorgd oor die dorp se reputasie.
SONSAK OOR VERLATENSRUS deur Albert Short - Episode 26
Vrot Rot is geskok oor die misdaad wat Bella beplan. Wessel en Francisco besef hulle sal moet saamwerk om die dorp se raaisels op te los.
SONSAK OOR VERLATENSRUS deur Albert Short - Episode 25
Hantie is bekommerd oor die spookjagters. Bella berei ‘n spesiale ete voor om haar sukses te vier, maar Kersie weier om saam te eet.
SONSAK OOR VERLATENSRUS deur Albert Short - Episode 24
Mildred raak by die konsert betrokke, en veroorsaak pandemonium in die hoofstraat. Vrot Rot daag by die bloemiste op.
SONSAK OOR VERLATENSRUS deur Albert Short - Episode 23
Bella praat met Wessel oor sy veiligheid. Mildred help vir Kersie met naaldwerk. Wessel en Hantie agtervolg ‘n verdagte figuur deur die bos.
SONSAK OOR VERLATENSRUS deur Albert Short - Episode 22
Bella en Mildred raak aktief by die verfraaiing van die dorp betrokke. Vrot Rot klop laatnag aan Bella se venster, en ontmoet vir Kersie.
SONSAK OOR VERLATENSRUS deur Albert Short - Episode 21
Belle lê haar planne aan Kersie uit, maar dié is glad nie beïndruk nie. Hantie en Wessel bewonder die sonsopkoms.
SONSAK OOR VERLATENSRUS deur Albert Short - Episode 20
Hantie en Wessel se rustige nag word versteur. Kersie maak ‘n skokkende ontdekking in een van die laaie by die huis.
SONSAK OOR VERLATENSRUS deur Albert Short - Episode 19
Hantie het verdere slegte nuus oor die dekor. ‘n Rit oor die plaaspaaie ontaard in ‘n onverwagse nag onder die sterre.
SONSAK OOR VERLATENSRUS deur Albert Short - Episode 18
Verlatensrus haal die nuus, en daar is kommer oor die slegte publisiteit. Wessel se dekor vir die konsert word weer gevandaliseer.
SONSAK OOR VERLATENSRUS deur Albert Short - Episode 17
Kersie hou ‘n olyftak uit. Sersant Huffnagel maak hom lastig. Hantie moet inderhaas hospitaal toe gejaag word.
SONSAK OOR VERLATENSRUS deur Albert Short - Episode 16
Hantie is skaam oor wat sy die vorige aand gedoen het. Kersie laat vir Wessel en Hantie ongemaklik voel.
SONSAK OOR VERLATENSRUS deur Albert Short - Episode 15
Daar’s ‘n groot bohaai oor ‘n pampoen. Bella rapporteer die geraamtespook aan die polisie. Wessel lees ‘n baie mooi storie.
SONSAK OOR VERLATENSRUS deur Albert Short - Episode 14
Kersie gaan wys haar kostuumontwerpe vir Wessel. Wessel maak ‘n kreatiewe plan om die skade aan sy kar te verbloem.
SONSAK OOR VERLATENSRUS deur Albert Short - Episode 13
Wessel se kar word gevandaliseer, en hy en Hantie moet die wiele buurdorp toe vat. Bella praat oor haar kinderjare op Verlatensrus.
SONSAK OOR VERLATENSRUS deur Albert Short - Episode 12
Bella vat vir Mildred ‘n afgeskeepte geskenk, en vra onmoontlike vrae. Hantie maak goeie vordering met die konsert se agtergronde.
SONSAK OOR VERLATENSRUS deur Albert Short - Episode 11
Bella bel die koerant om die vreemde gebeure op Verlatensrus te rapporteer. ‘n Blou duif verskyn.
SONSAK OOR VERLATENSRUS deur Albert Short - Episode 10
Hantie Bella waarsku vir Kersie teen vals en oppervlakkige vriendskappe. Mildred skimp om in Wessel se konsert te wees.
SONSAK OOR VERLATENSRUS deur Albert Short - Episode 9
Kersie bied aan om die kostuums vir die konsert te maak, en Mildred ontdek ‘n onverwagse talent vir naaldwerk.
SONSAK OOR VERLATENSRUS deur Albert Short - Episode 8
Wessel en Hantie wonder oor die geheimsinnige besoeker. Mildred voel onrustig oor Verlatensrus, vir die eerste keer in 90 jaar.
SONSAK OOR VERLATENSRUS deur Albert Short - Episode 7
Kersie probeer uitvis hoekom Mildred meteens so vreemd optree. ‘n Onwelkome besoeker daag by die boekwinkel op.
SONSAK OOR VERLATENSRUS deur Albert Short - Episode 6
Wessel sukkel met slotte en sleutels wat ewe skielik nie meer werk nie. Kersie gee vir Wessel ‘n bos blomme.
SONSAK OOR VERLATENSRUS deur Albert Short - Episode 5
Wessel se rekenaar gee probleme, en Hantie moet help. Mildred doen iets vreemds in die park, onwetend dat sy dopgehou word.
SONSAK OOR VERLATENSRUS deur Albert Short - Episode 4
Bella moedig Kersie aan om by Wessel flikkers te gooi. Kersie kry ontstellende inligting oor Wessel op die internet.
SONSAK OOR VERLATENSRUS deur Albert Short - Episode 3
Hantie wil vir Mildred dokter toe vat. Wessel ontdek ‘n baie bruikbare boek, en Hantie vertrou hom met ‘n kosbare geheim.
SONSAK OOR VERLATENSRUS deur Albert Short - Episode 2
Hantie gaan wys Wessel hoe Verlatensrus se legendariese teater van binne lyk. Bella en Kersie loer op ‘n afstand.
SONSAK OOR VERLATENSRUS deur Albert Short - Episode 1
Mildred beweer iets vreemd het gebeur, maar Hantie glo dit is haar verbeelding. Hantie en Wessel ontmoet vir die eerste keer.
OP DIE OOG AF deur Leon van Nierop - Episode 60 (slot)
Die mol wat inligting na die voormalige skoolhoof gevoer het, word geïdentifiseer. Sweis en Katryn moet ‘n besluit oor hulle toekoms neem. Lothar het ‘n lewensveranderende gesprek met Corlia.
OP DIE OOG AF deur Leon van Nierop - Episode 59
Shane verneem wat gebeur het toe hy blind geword het. Nardus besef die skool gaan beslis aan die einde van die jaar sluit.
OP DIE OOG AF deur Leon van Nierop - Episode 58
Corlia verduidelik wie die skool saboteer. Terwyl Rocco vir Katryn in die kombuis help, daag die speurders onverwags op.
OP DIE OOG AF deur Leon van Nierop - Episode 57
Sweis besef hy het Katryn werklik lief, en wil haar vra om te trou. Corlia vermoed dat sy die spioen in die skool geïdentifiseer het.
OP DIE OOG AF deur Leon van Nierop - Episode 56
Die gevolge van Emma se operasie word bespreek.
OP DIE OOG AF deur Leon van Nierop - Episode 55
Emma word geopereer, en almal is op hete kole.
OP DIE OOG AF deur Leon van Nierop - Episode 54
Corlia en Lothar eet saam, en Katryn sit Sylvia op haar plek.
OP DIE OOG AF deur Leon van Nierop - Episode 53
Emma probeer om Shane, wat ontsteld is oor sy ma, te troos.
OP DIE OOG AF deur Leon van Nierop - Episode 52
Corlia konfronteer Nardus omdat hy die skool wil verlaat. Daar wag ‘n gruwelike skok op Shane.
OP DIE OOG AF deur Leon van Nierop - Episode 51
Didi kry ‘n nuwe gidshond. Corlia verneem wat met Rocco gebeur het.
OP DIE OOG AF deur Leon van Nierop - Episode 50
Nardus neem Rocco na ‘n rekenaarwinkel, en besef opnuut hoeveel uitdagings blindes en siggestremdes in sulke vreemde omgewings het. Sweis en Katryn gaan sokkie.
OP DIE OOG AF deur Leon van Nierop - Episode 49
Die aanbod wat Nardus gekry het, beïnvloed sy verhouding met sowel Nicole as Kallie. En dit veroorsaak onenigheid by die skool.
OP DIE OOG AF deur Leon van Nierop - Episode 48
Shane besef dat sy ma visumprobleme het, en in Suid-Afrika gaan agterbly. Dit beteken hulle sal mekaar weer ontmoet, en monduitspoel.
Save video to ...
